而家想買30吋行李箱,必定要耐用,個轆要實淨且設計好點,即係拖的時候可以靜點亦唔怕行李太重整爛,最好係可以360度轉個隻,價錢係$800或以下(因為都係一年去1-2次旅行,粗用的),係咪名牌唔重要,款式一般就可以,唔需要潮.有冇介紹?邊度有得買?先至聲明,街邊檔的如旺角,九龍城我唔要,因為通常都唔係正版,且質素都較參差,請詳述地點,公司名/品牌名.可以的話,要埋價錢.
更新1:
回應henry,之前個鎖雖然爆左,但因冇任何損失,所以以為投訴都冇,故冇揾airline投訴,之於你先前回應我的一個問題,係問"行李箱的設計",我順道回應你,我就係用左你所講個種拉鍊頭鎖在個鎖的個類喼,但我當然唔會盡信個鎖,所以當時我亦加多個密碼鎖在兩條拉鍊拉合後個雙圈位...但都同樣爆開---真係問你死未?!...所以我先問大家有冇d好介紹je~~
