乘搭長途飛機

1. 網上辦了登機，你仍需要到國泰櫃位取登機証和 check- in 行李，去美國行李查得很嚴，應早 3 小時到機場和帶電子機票。
2.起飛後如未到就餐時間，會先出飲品和小食；正餐與正餐之間、會有飲品供應，多是茶、啡、水和酒類，空服員不會推飲品車出來，避免阻塞通道，只是一手拿壺，一手拿杯，通常是茶、啡、水輪住出，所以空姐送茶時，不要 問她要啡。小吃和杯麵有需要時才落 order，不用一早講，唔駛預訂。
3. 登機時在機艙門口位置，有報紙雜誌可自取，先到先得；國泰有些機種會有電腦遊戲玩，睇你好唔好彩；每班機只有三幾盒啤牌，也是先到先得。
4. 長途機揀位，個人認為是對住幅牆，前面冇坐椅的最佳，因為空間最大，行出行入方便；近逃生門的坐位也是最闊落的，所以先查自己坐的機是甚麼型號，上登網睇吓個 seat plan，找出心目中最佳坐位，上網 check-in 時便揀埋坐位。
5.寄倉行李唔算大，但如果超重就要加錢，都幾貴；做一個文明搭客，享受旅程吧！
以上全是經濟客位的經驗，如你是商務客，就全不適用！