入院生bb準備物品一問

生理沖洗瓶在大間的西藥房有, 或者去荷花, 嗰度有關用品的種類齊好多

網褲其實只用頭幾日, 方便D

用不連扣, 自動黏貼的吧... 有扣的要另外買扣帶 (好似舊式絲袜吊帶咁), 有口麻煩D

頭幾日一定要用產婦巾, 唔可以普通衛生巾, 因為頭幾日醫生要檢查惡露情況及質地, 產婦巾的網同普通衛生巾的唔同, 醫生可以從惡露的質地睇到子宮收縮及清得好唔好...

生理冲洗瓶其實無用的,因為我之前都有買,但有一日醫生(口黎)巡房見到話會沖得唔乾淨,話如果d大便留咗係傷口度就麻煩,所以佢叫我用花灑仲好,個沖力大d先可以將d大便沖返出嚟!

而網褲是必要的,因可即棄,同埋通爽d

其實我個人覺得連扣裝和不連扣都無咩分別,因為好係高x絲個隻連扣裝,個扣就好像條紮頭髮的橡筋咁,用唔用都無分別!

希望幫到你啦!

我個人覺得冲洗瓶冇乜用,我生嗰陣都有買,但冇乜用過,因為係醫院我會直接用花灑沖,返到屋企都係用花灑沖,因為乾淨d!
網褲係必要,因為彈性好大又透氣,穿著都方便d,如果用普通內褲或紙底褲彈性冇咁大,會好易整到順產個傷口,同埋焗住都冇咁快好,我就買咗兩包網褲,一日一條,用晒時個傷口都差唔多好番晒!
如果你用網褲就用黏貼既產巾就得,用嗰陣唔駛撕張貼紙,直接放係網褲度用就ok,

2008-04-24 17:41:58 補充：
所有用品除在西藥房, 荷花有之外,吉之島同所有賣孕婦衫既地方都有得賣