我想問一下照腸鏡同胃鏡要幾多錢(最好係最平),去邊度照最安全?

我係護士黎既, 你可以睇番我既資料, 多數都係醫護問題[我多數唔係copy and paste比書本答案, 係於實際情況比答案, 但只是就發問者提出個人意見, 如發問者問的問題失實或不詳細, 就只以問題作出解答, 不一定是最終treatment既答案, 因為人的機制很複雜, 不是用一句問題就可看出全部既因素]


呢個係我既blog , 歡迎參觀[有好多醫護知識係裏面]
答:
大約就係 腸鏡就起碼要3800, 胃鏡就要2500啦\
呢個係香港價, 無得話又平又好, 多數貴d既都係好d, 當然去大醫院去做就最好
但係又會係貴d, 而當然養和等既係最好啦
其實你點解要照呢？ 因為好多時唔一定要照, 又或者要做其他檢查先可以斷症
所以如果只係估估下而去做
好多時會比左錢又得唔到想既效果
如想睇其他既身體檢查既香港價可以去我個blog呢則度睇:
身體檢查
但係如果真係覺得貴就可以番大陸
腸鏡大約係260元
胃鏡係337元
但係當然係心理上覺得無咁專業啦

如想要大陸既呢個價既地址可以係我個blog留言
但係記住要留低你既email地址

重有就係話下照既過程
胃鏡會係喉嚨度噴d苦既麻煩藥
然後會放支好似手指公咁粗既喉入去, 會覺得作嘔, 但係入左去後就無乜野
而腸鏡就睇下要照d乜, 但係照入d多數都要係一日前放瀉同食清流質
然後都係放支好似手指公咁粗既喉入去, 但係就唔係太過辛苦
對比起胃鏡黎講

（應該叫健康檢查至啱）其實腸鏡同胃鏡都係一種病理檢查。顧名思義是當發現或者懷疑有病時才做的檢查。一般做的健康檢查正確是應該在未有發現有任何病徵時才做的檢查，亦即係話健康人做的檢查。定期做一個全面性行為的健康檢查，當發現有問題或者異常時，便可以做到及早治療。
現在回答你的問題，請問你想照胃鏡和腸鏡的目的是知道自己有消化系統的問題，還是想定做個預防性的健康檢查呢？如果係屬於前者，那麼醫生應該會寫紙俾你去醫院照鏡，只是你要選擇係政府還是私家醫院。但如果屬於一個普通的健康檢查，檢查自己有冇什麼問題，如果係胃部＋１２指腸，我建議做一個上腸胃道ｘ光檢查，如有需要可以加埋一個幽門螺旋菌檢查便足夠。如果係大腸同直腸，初步篩檢可以用一個大便隱血（驗大便）＋癌胚抗原（驗血），便可以做到初步篩檢。但由於單做大便隠血及驗癌胚抗原是不能百分百驗出有冇初期的癌症，所以建議要定期檢查（大約半年至一年，要視乎年紀以及第一次檢查報告而定）。
以下有幾點請留意一下：
風險一：由於腸鏡及胃鏡是一項侵入性的檢查，所以會潛在一個刺傷食道／胃部或腸部的風險，而且必須要麻醉才能做胃鏡及腸鏡。這裡又涉及到麻醉師收費的問題。
風險二：一個胃鏡或腸鏡，是冇可能做到用完即棄的情形，一定是用完再消毒，再給下一個使用者使用，這樣就引發出忘記消毒的問題，（電視新聞經常報導，公立醫院經常發生大大小小的醫療事故，例如忘記消毒，清水當消毒藥水，配錯藥.....）嚴重的可能導致交叉感染的可能性。
風險三：照腸鏡前必須飲瀉藥，將腸內的癈物全部排走才能照。試問如果係一個普通的身體檢查，要這樣貼錢買難受，你還會年年做嗎？既然咁辛苦，我想大家未必有這樣的恆心年年做，既然唔會年年做，又如何做到 ＜年年驗身，令你放心！＞ 這個口號？又點樣做到＜早期發現，早期治療！＞
所以閣下是否會詳細考慮照腸鏡和胃鏡，還是用這些錢做一個安全而又夠全面性的身體檢查，價錢又相差無幾。何必攞苦嚟辛？？？