「斑馬知識+挑戰 」神是否存在

問：「有人講零可信有不可信其無..神同鬼都係咁講」
答：鬼同神都係喺你個心中活著，閒來心中無罣礙，牛鬼蛇神那裏來？平時一啲都唔諗神鬼，神鬼點可以霸住你個心，...同埋個人？

問：「世界真係有神?」
答：見上答。

問：「係不同的種族裡的人信不同的神,西方人信耶穌係神，中國,印度人信佛係神」
答：不同族裡的人有唔同生活環境及社制文化等，至有唔同心境，故心生唔同嘅形象當佢為神，人心一多就搞出所謂宗教、信仰。

問：「佢地都認為世界得一個神」
答：人心境界好自然，不同地方各族心中生出有「多神」、「一神」、「無神」，唔會一面倒走埋一邊。
邏輯上多神同無神再無拗撬，「多神信仰」加多或減少幾個神仍然係多神，唔會變無神，只有變一神。「無神信仰」無可能加多或減少神數目，因為已經冇神可說。
大大大問題就出現喺「一神信仰」，見下答。

問：「係呢個情況下,矛盾出現左,,邊個先係神?神得一個定係有好多個?佢地係唔係真係神?」
答：「一神信仰」只得一個神，樓主問正問題紅心：邊個「先係真神？」
世上所有一神教徒都話自己信緊嗰個至係真神，但冇膽話教外無他神，唯有貶低人哋信緊嘅「多神」或「一神」為假神、邪神、偶像神、賜禍神、...，一神信徒們指鼻哥認第一、執倒神毛當令箭係典型心態！
「無神宗教」如正信佛教之信徒，及「無神論」者多一笑置之，至多動口唔動粗。但一神教之間呢？？？！？？？嘩！相罵相戰數以千年計以來沒完沒了，9/11、中東紛爭...冇眼睇！一神教個「一」字係世界大亂之主因，個個認第一冇人肯認第二，個個搶住話神佑我，God is on my side，點容得你又咁話架？咪唯有喺暴力上見真章，所流嘅血比耶和華之洪水量何止億萬倍？就睇吓本地家庭內(有基教下輩及拜偶像上輩同居一室者)所發生非戰爭性鬥垮鬥臭就夠睇頭啦！

問：「睇返過去的歷史，所謂神都係由人開始，然後升天做神。佢地係神，無啦啦做咩做人受苦？佢地的動機係咩？（除左做錯事被扁凡間或者為世人受罪之外）有無有ｄ有力的理由解釋做人為咩？」
答：神唔係由人開始、後升天做神，而係由人創造出嚟，假以時日有信徒團出現，時機成熟成為宗教，做就野心家神棍控制該教，打著神、主雞毛牌當令箭，借一神威靠嚇斂財斂色斂權，方法就係大放厥詞話神出世人間都係為世人贖罪，攪到信羊感激流涕盡奉獻，甘作神及其棍嘅全面奴隸。
樓主話嗰個下凡做人嘅神只係神棍作出嚟嘅故事人物，剎有介事作埋一套神[的]話[語]以「佐證」，你問該神下凡嘅「動機同做人為咩」，答案只有一個：緣於羊牯群係好使好用、唯命是從嘅神奴隸，做就神棍權力慾、財慾、色慾包天！係咁多嘞。