履歷表的問題,如果公司佢自身有一分履歷表,佢地又叫我交自己一分,一次過交兩分

1. 公司履歷表(我諗你係講緊職位申請表):
其實主要係填個人資料同學歷, 包括就讀過嘅學校同之前嘅工作職位同時段, 另外好多公司會要你寫埋喺邊度搵到lee份工,定係有人介紹, 介紹人係邊個?
2. 自己履歷表(resume):
自己prepare, 要包括個人學歷同工作經驗, 過往工作的主要職責(如果冇工作經驗可以寫下讀書時的公職, 好似xxx committee, xxx chairman咁), 仲有其他証書(例如急救証書之類)你可以上網搵下d sample, 另外要注意 resume盡量唔好多過一頁A4 size, 如果唔係會覺得好冗長.

總括黎講, [公司履歷表]係一間公司想知道有關你嘅資料, 而[自己履歷表]係你自己想一間公司知道有關你嘅資料(即係用黎sale自己嘅資料)係兩回事!

通常apply一份工時會同時send一封application letter同一份resume去, 可以事先draft好一封application letter先, 其實係一封好簡單英文信, 要避免文法錯誤給人壞印象

通常係面試前佢會要你即場填一份application form, 填寫時要小心點, 唔好寫到打風咁, 諗清楚至好寫, 佢一定俾足夠時間你填

希望可以幫到你!
最好希望你見工成功啦!

公司要填的履歷表比較簡單及表面，他們要清楚地知道你以前所做的工作的內容，所以要問你拿一份你自己打的履歷表，這份應是比較詳細地提及你工作的範疇而不是一句起二句止的填在公司的履歷表上！