私人樓宇突然唔比養狗, 哪裡私人樓宇比養狗?

呢o的得唔得 ?

濱景花園、金禧花園、新城市廣場、欣庭軒、興盛大廈、翠湖花園、沙田中心、好運中心、愉景花園、豐景花園

可以養

上以下網址睇吓

無理由突然唔俾養狗架,你住嘅時候大廈公契有無話左唔俾養狗?若唔俾嘅,你隻狗仔唯有暫時寄養囉,有d賤人真係好乞人憎架,因為佢自己有病,所以成日去投訢呢樣果樣,最緊要搞清楚張公契先啦,唔會一時三刻改得到架,要經過開會.投票,你係業主唔理由唔知要改大契架,慢慢嚟啦,唔好咁快就放棄呀,隻狗狗無罪架.

沙田？其實有冇考慮馬鞍山呢？

本人去過好多馬鞍山既私人屋苑，其中一個屋苑叫「海濤居」，

果到唔單只可以讓狗外，而且屋苑樓下有一個公園，

公園可以比狗落去散步，即使隻狗吠，有人投訴，

亦不至於要禁止養狗。海濤居附近有寵物店、有好多中、小學，

而呢個屋苑有分千幾尺同六、七百尺既單位，可視乎經濟能力，

而選擇一個適合既單位。

第二個係海柏，點解我會話得呢，原因係因為我朋友拎雪橇番去，

仲要係兩隻，雪橇都好大隻下，成個幾月都冇比信佢。


同埋以我所知，其實私人屋苑唔會唔比讓狗，

因為係私人擁有既物業，除非係不斷比人投訴，屋苑先采取禁止。

希望幫到你。

以上各位朋友的回答真係令我深受感動. 原來, 仲有甘多人為狗狗既生命堅持. 如果同現時住所理論一下, 可能可以留下. 如果都係唔得既, 沙田同西貢係村屋來說, 地點都算方便. 而且, 村屋比較實用, 環境空氣都好, 對小朋友的健康亦係一件好事. 我覺得每件事都有好壞, 在於你點睇同取捨.

希望你及你的家人能夠堅持養育狗狗. 這亦是對小孩的一種正面教育.

你應該問返佢咩叫突然唔比養呀!!! 既然你都知道上手業主養左十幾年, 而你話係呢到都養左三年幾啦, 如果有投訴一早就有啦, 係咪先! 如果有新鄰居搬黎既話, 即係嗰個人唔鍾意先玩針對啦, 即係唔係你隻狗擾人啦...對嗎!
另外, 如果你現在間屋每一方面都配合到你及小朋友的話, 加上出面而家樓價高企, 你話可以搬去邊到先, 你堅持住係呢間屋的話, 我個人意見係唔會理會管理處...甚至律師信話要釘契我都唔會理呀! (意思係樓契有附加條文, 賣樓之前要把這註契條文解決才可以賣樓) , 唔賣就無問題啦!
我自己都有養狗的, 我亦有對17個月大既孖女, 係我心目中兩樣同樣重要的, 因為兩樣都有生命的!

P.S. 如果你真係咁驚管理處既話, 試考慮一下銀禧花園, 火炭火車站係正對面, 交通算係方便!

2008-04-24 00:59:22 補充：
我絶對同意 亞諾的回答!
另外, 我生BB既時候, 好多人及亞媽連 奶奶 + 老爺都話要送走隻狗, 又話怕BB會敏感, 又話隻狗會呷醋(咬B)呀, 我通通唔聽, 因為我信自己, 我認為只要有安排及教導隻狗, 是沒有問題的, 現在事實証明一切!

你現在可以做既
就係叫管理處/業主拎張大廈公契出黎睇睇
睇清睇楚係咪唔可以俾人養狗先啦
唔好話管理處一句話唔俾養就比佢拋窒
要更改大廈公契唔係話改就可以改架
要經過十分之麻煩既程序先改到
絕對唔會係突然之間既事

如果無寫明話唔俾既
管理處最多只可以比D說話你聽下咁囉
你D狗無騷擾到人既話
佢地都奈你唔何

大圍o個邊好多私人樓都養得狗, 如果唔介意, 馬鞍山海栢花園, 海典居, 星濤灣 都可以.

其實總有辦法ge, 問題係你肯為狗狗犧牲幾多

我始終覺得人係可以好flexible, 唔好俾一d似是而非的原因放棄狗狗, 你唔去幫佢, 無人可以幫到佢. 試下同屋企人傾下, 睇下大家有無得遷就下, 交通ge野好易解決o者, 香港交通咁發達, 點會係大難題.

我可以咁同你講, 因為我係過來人, 我俾人出律師信叫我搬走隻狗, 咁我咪搵地方搬law, 我死慳死抵都要搬去個養得狗的屋苑, 係就係貴d, 但係我唔會俾我隻狗走架, 我養佢之前心入面許下承諾, 要照顧佢一世架.

希望你唔好放棄佢啦

其實基本樓宇係寫明唔比養狗，或者你先托朋友代為照顧小狗，如沒辦法都要放棄小狗啦！