✔ 最佳答案
註冊的藥物是有保障的藥物
要知道﹐一種藥物要得到註冊﹐事前需要做好多實驗﹐要証明到藥物的效能及安全性﹐先可以出街賣
而同時間呢d藥的售賣亦都會受到監管﹐例如壯陽藥﹐就需要醫生紙先可以買得到
睇醫生的時候﹐醫生會睇下你究竟適唔適合食藥﹐或者有無其他醫治方法﹐開藥俾你都要教埋你食
相反而言﹐沒有註冊的藥物就沒有以上講的各種保障
以壯陽藥而言﹐很多標榜「天然」「中藥」的壯陽食品﹐裡面其實都靜雞雞加左壯陽西藥﹐即係「偉哥」呀﹐「犀利士」呀果d﹐等你食左有效又返頭買
咁咪又即係西藥
但你唔睇醫生就食呢d藥﹐咪好危險
尤其係呢d藥唔可以同一d心臟科藥物一齊食﹐有機會會死人!
有時仲會溝埋一d不明化學物入去﹐咁同隨街執垃圾食都無分別﹐真係唔知食左咩落肚架﹐直頭就係搵命搏
至於近日的壯陽藥殺人事件﹐就係溝左糖尿藥入去
糖尿藥係俾糖尿病的人食的﹐食左就會降低番d血糖
無糖尿病的人食左﹐血糖就會降得太低
血糖養份去唔到個腦﹐就會傷腦﹐入唔切醫院就會死!
咁你話有註冊同無註冊係唔係有分別勒!
就算係怕尷尬又麻煩﹐都係要睇醫生架啦!死左仲邊有得玩?