D鼠鼠成日咬個籠同轉輪

因此鼠鼠係咩都咬,而且鼠鼠唔會明白咩物品係用唻磨牙,所以就會胡亂咬第d野
如果個籠係通風式,好多鼠鼠都會咬籠,但唔好由佢,一來咬甩d油食落肚唔好,二來咬得多好易令鼠鼠鼻下同咀下甩毛甚至損,而且都幾嘈下,可以換過個籠,亦可以教下鼠鼠

A.教鼠鼠唔好咬籠既方法:(鼠鼠爬籠都可以用同一方法去解決)
一.首先要同隻鼠鼠熟既先,唔熟好難教得識
鼠鼠買返唻既初時,頭兩日唔好打擾佢,再試下以下方法:(耐左都同鼠鼠唔熟,都可以試下做)
1)你可以隔住個籠叫多d佢,在籠邊拎d野食引佢埋唻(主要係想有食物袋既聲音俾佢聽到),唔一定要拎零食引佢,拎主糧入面既野食都ok架啦,唔食零食會健康d.日日叫佢都有野食既話,佢好快就會記得你把聲or裝食物既袋既聲音,我覺得鼠鼠認食物袋既聲比較快.
2)等到你地熟d,做到你一行過佢就行埋唻or冇咁驚你,之後你可以試下伸隻手入籠隻俾野佢食
3)再熟d再試下俾野佢食既摸下佢頭or身
4)佢都唔抗拒之後,可將食物放在手心,等佢行上唻食,慢慢佢會習慣左你既手
5)再熟d就可以抱佢,抱既時候唔好忽然由頭or從後抱起佢,咁會令鼠鼠以為有敵人攻擊,最好慢慢叫住佢先抱佢,如果抱唔到,可以用乾淨既杯唻俾佢上去咁樣抱

二.我習慣見到鼠鼠咬籠既時候就會叫佢,用d好似鬧佢既語氣叫佢,多數佢會停一停,之後又咬過,咁就再鬧,佢一唔咬既時候,我就俾野佢食,慢慢佢會明白,唔咬就有野食.我試過好多次都會學得識,當然可能係要試好多好多次

B.咬籠其實主要係因為鼠鼠牙痕,而緊張or感壓力都會,所以要留意鼠鼠牙齒既情況,同埋鼠鼠唔會受驚受壓,如果一籠多鼠,鼠鼠都會較易咬籠(鼠鼠本是獨居動物,有第隻就會感到壓力OR打交),有第籠放得太近都可能有影響
倉鼠屬於齧齒目動物,牙齒入面既齒髓腔唔識得去閂埋,所以牙齒會不斷生長既,如果唔磨牙,就會令牙齒過長,太長會令鼠鼠食唔到野,合唔埋口,甚至插穿鼠鼠既口,咁係會死既,所以鼠鼠係好鍾意咬野

你可以買d磨牙石俾鼠鼠磨牙,如果你隻鼠唔咬磨牙石,就可以買一d木制玩具俾佢咬,又或可以試下鹽磚or較硬既食物棒(一支木,外面有食物包住)俾鼠鼠咬

鼠鼠係一定一定要磨牙,用咩野俾鼠鼠磨牙都可以,但一定要夠硬,夠衛生,夠安全,唔會甩色,唔會有色素(好似黃色香蕉味之類)即係唔會整傷鼠鼠,唔會好尖,又唔會係膠,所以木制 同專俾鼠鼠用既磨牙用品係最好既
可以試下買幾樣野間住俾鼠鼠,等鼠鼠常有新鮮感,咁都易d會咬

C.見你提及佢既父母,唔知佢係唔係自己一個住?定係有第隻鼠一齊?如果一籠唔止一隻,鼠鼠更易有咬籠既問題,因為鼠鼠係獨居動物,有第隻一齊就好易感到壓力,甚至打傷打死,就算係兄弟姊妹都係一樣
除左咁,一籠多鼠同繁殖鼠鼠其實都有好多問題,希望你日後可考慮一籠一鼠及唔好繁殖鼠鼠,詳細原因可參考以下我回答既知識B點:
http://hk.knowledge.yahoo.com/question/?qid=7008010600899

鼠鼠咬東西是正常的﹐不咬反而擔心呵﹗

不同鼠鼠亦有不同咬東西的習慣﹐故你可以買其他不同的東西替﹐分散他咬籠的機會﹐如磨牙木條。

想知多一點鼠鼠的資料或有問題﹐可到這個網站參考﹕

www.chinchilla.hk