✔ 最佳答案
歐洲所有貨品的價錢都會加上某一個百分比的value-added tax (類似銷售稅), 如果你係非歐盟居民, 你可以申請退稅. 例如英國現在的VAT是17.5%, 但係你攞得番o既稅只係約14%. 詳情你可以參閱
www.globalrefund.com.
如果你同你朋友持有歐盟任何一個國家的護照, 你們就唔可以享有退稅優惠. 就算你持有非歐盟國家的護照, 因為你有學生簽證, 都唔可以退稅. 除非你係去半年exchange, 之前唔使申請visa, 先至可以當遊客辦退稅.
假設你之前冇student visa, 只要你響購物後3個月內出境, 你都可以退稅. 你去意大利同法國買o野o既時候只需出示你o既passport, o的商店就會填好張退稅form俾你, 你記得keep好, 到9月頭返香港o既時候, 先至響英國海關counter辦理退稅.
但如果你持有student visa, 你可以叫你朋友幫你搞退稅. 你買o野o既時候就要用佢名義買o野, 出示佢o既passport, 用佢o個名登記, 因為退稅時要對passport o個名. 到佢7月中由英國返香港o既時候, 叫佢響check in前搞退稅 (因為海關有機會要你出示買o左o既貨品), 搞點晒先check in, check in之後就冇人理你o的貨點. 如果你想你自己攞番o的貨, 你可以同你朋友去機場, 搞妥晒你就拎番走, 咁都可以退到稅.
2008-04-24 10:09:42 補充：
BNO唔算係英國passport, 因為持有BNO的人士冇英國居留權. 不過你o個case特別o的, 因為你搞緊移民, 但係你又未係british citizen喎. 我自己就覺得你一日未係british citizen, 一日都仲可以退稅. 我o個陣時退稅, o的人淨係睇下你passport印有你個人資料o個頁, 冇乜點睇其他內頁, 總之o的staff知道你唔係EU citizen就得. Anyway, 我未聽過你呢個case, 所以都唔敢肯定你可以退稅.
