✔ 最佳答案
基本上，只要打完８個洞就可以爆機，不過爆左之後都仲可以玩落去。
進入洞穴先要取得通行証，８個通行証都是要趁村長在自己屋企１樓時問他要而已。
８個洞穴的攻略如下：
１洞（牧場下面一個地圖－＞右邊的山洞）：
通行証取得：在自己的牧場挖８０～１００格泥
２洞（牧場左面一個地圖－＞一出去就睇到的山洞）：
通行証取得：打贏１洞boss、在１洞挖ｎ格泥
３洞（牧場左面一個地圖－＞上面一個地圖－＞一出去就睇到的山洞）：
通行証取得：打贏２洞boss、在２洞挖ｎ格泥、然後會發生圖書館個精靈細路女唔見左既事件，去牧場右一個地圖發生劇情，然後去搵村長，入左３洞之後先向左，再一直向下移動，就會搵到佢。
４洞（牧場左面一個地圖－＞上面一個地圖－＞走右邊向上行會睇到有橋，過橋）：
通行証取得：打贏３洞boss、在３洞挖ｎ格泥
５洞（牧場左面一個地圖－＞下面一個地圖－＞湖中心，只有冬天才能進入）：
通行証取得：打贏４洞boss、在４洞挖ｎ格泥
６洞（牧場左面兩個地圖－＞門口有白髮女既遺跡）：
通行証取得：打贏５洞boss、在５洞挖ｎ格泥
攻略：此洞有兩對上鎖既門，第一對需要你響洞穴內種植３塊田以上，有收成先可以開。第二對你需要問對門幾次－＞出去搵白髮女對話－＞去第一對門右手邊間空房打贏哥雷姆拎鎖匙
７洞（牧場左面兩個地圖－＞最左面山洞裡面左手邊既洞穴）：
通行証取得：打贏６洞boss、在６洞挖ｎ格泥
攻略：此洞亦有兩對上鎖既門，第一對需要你響門對上塊地種植５塊田，有收成先可以開。第二對要去洞穴一入門口對上個洞裡面，響ｄ田度挖鎖匙出黎。
８洞（牧場左面兩個地圖－＞最左面山洞裡面右手邊既洞穴）：
通行証取得：好似只需打贏７洞boss
我寫ｎ格泥係因為我都唔記得確實數字…如果你打贏左boss之後去搵村長，佢都會講個數字你聽。
武器方面，我個人鐘意單手劍、可以裝備盾，劍可以響武器屋買到，劍種會隨著開左幾多洞而增加。
每個洞開boss房既方法都係「響冇離開過個洞既情況下，將所有好似鐘擺咁既機器打爆哂」。
要打爆機就只需打完以上洞穴就可以，不過，事實上隻game仲可以種植、養寵物、追女、結婚生仔、釣魚、料理、自己打武器、製藥…等等。
不過又係另一回事。
2008-04-23 10:55:37 補充：
出貨箱係用黎賣物品既，將你想賣既(上至礦石農作物，下至垃圾柴同枯草)丟落去個箱度，每日５點就會有人黎賣，不過要注意丟左落箱度既物品無法拎返出黎。
春天種子應該係響商店街一入去，第一層左邊間商店就會有得賣，你可以睇到「ｘｘ文句」、「春之種」、「夏之種」同「秋之種」。
2008-04-23 10:56:15 補充：
我玩既日文版未有試過死機既情況，唔知你係咪玩漢化版而有bug？
牛奶你要去商店街第二層加手邊間商店起左怪物屋先，再去問女僕拎手套，用手套捉響４洞出現既乳牛，keep住每日有糧食同刷毛，一段時間之後佢就會有奶
至於要會幫手既怪物，唔係隻隻都得，比如２洞既藍色鬼火狀怪物會幫你澆水，蘋果怪會幫你收穫。同佢地講野，選唔係最尾、亦冇「仲間」字樣既選項就ｏｋ，叫左之後第二日既10點am就會開始工作。
