✔ 最佳答案
有關兌換
如果你是跟團的話, 導遊一定會有得兌俾你,
隨時隨兌都得, 同泰國街邊差不多.
到了市區, 有好多兌換店和銀行都可以兌換,
如在普通銀行, 會比機場高些少,
而最出名兌得高既,
有----- Super Rich及 林真香
Super Rich= 兌換店, 在 siam/ chit lom 區的 Central World 對面, Big C 超市superstore 後面的街仔, 招牌橙色或綠色, 有3間分店
林真香 = 肉乾手信店, 在 china town 和 Amarin Plaza都有分店
以我剛回來為例,(不過,每天價位是不同的!)
在機場兌 3.91, 在 SuperRich 兌3.98, 最高的一日兌過 4.05,
你見兌得高的話可先兌多些少, 低的話兌夠用便算了.
因為可以兌換既地方真係好多好多，行街一定見到!!!
Super Rich 詳細地圖, 你可在 thailandfans找到
http://www.thailandfans.com/forum/viewthread.php?tid=38743&extra=page%3D1
有關shopping洗費
豐儉由人，你自己問一下自己會唔會買跟團野，
你就會預計到自己會洗幾多錢喇!!!
你自己要唸清楚，會唔會買，係咪如果抵就買，
會買幾多，記住俾個budget自己，唔好買過龍啦!!!
當然，你富貴既，可以預多d既
我估計你可能會買既野，或者係俾人慫恿買既野......
= 燕窩
= 魚翅
= 皮革製品 e.g. 真皮/ 鱷魚皮/ 魔鬼魚皮銀包手袋
= 肉乾，貓屎條，魷魚..... (可以當做手信啦)
= 商場買野 (underwear啦, bra 啦, boots 啦, 等等....)
可能既另外消費.....
= 導遊費
= 自由日既食飯 (放心, 自己食野可以好平!)
= 未包遊樂場既入場費
= 陽光海灘遊樂玩意 (e.g. 跳傘, 潛水, sea walker, 香蕉船... 可以好貴!)
我自己自由行，洗得都唔慳既，
做左 1次 spa，1次 massage，連入場費，(around $2000)
買左一大堆自己鍾意既精品、禮物、手信， ($1500)
計買每日三餐出面食好野， (around $2000)
計埋車費， (around $350)
加埋即係每人洗左 $3000左右 (未計酒店package)，
希望你計到大約幾多啦...
你可以帶多些少港幣，去到用幾多兌幾多，反正周圍都有得兌換！
有關shopping地點
你提到既地方唔難去！你如果買本旅遊書仔，
一定會好清楚講點去，而且你講既地方，都係空鐵站附近，
你一定找到，只不過係你夠唔夠自由時間去者！
有關shopping價錢
NaRaYa 袋大細唔同價，細既手挽袋HK$30左右已經有，
大既都係 around $200！好抵買！
專門店係 central world都有！仲好大間添！
肉乾大約 $25-30 一包，都係大大細細唔同價，
唔同種類唔同價錢啦！
levis 未買過唔知，但係唔係百貨公司既所有野都抵買架！
有好多野都係香港平d，小心格價啦！
有關泰國平靚正
= wacol內衣bra.... (其他牌子也會平，不過以wacol 平得最跨張)
= Boots (香港已經無得買啦！我買到爆o急！)
= 香薰品牌產品 (ORIENTAL PRINCESS, THANN SANCTUARY, HARNN )
= 林真香豬肉乾、牛肉乾、貓屎、龍眼肉、榴槤糕、柳子糖、棘魷魚等 (香港都有, 無謂買太多啦)
= NaRaYa 大袋細袋, 幾十蚊貨, 但係品質好, 款式多,又係手信首選！
http://www.naraya.com/ (係 central world 等商場有專門店呀!!)
= 麻布t-恤(地道衣著，睇你taste啦)
= 銀器首飾, 礦石首飾 (翟道翟好多!)
= 寵物衫仔 (翟道翟好多!)
= 家庭日用品 , 如茶壺, 杯, 地氈, 袋..... (翟道翟好多!)
= 民族服裝, 民族首飾 (翟道翟好多!)
= 基本上你唸到既小精品都有, 都係平過香港!!!
在thailandfans的網頁內, 及討論區內你更可找到更多秘笈!!
祝旅途順利!!
2008-05-01 23:21:58 補充：
你真係好驚既話, 都可以係hk兌些少先既,
不過我個人覺得無乜需要,
個度真係導遊可以兌, 通街都有得兌囉.....
係機場既時候, 同導遊一齊咪更加無時間兌, 在hk機場兌又唔抵呢!!
