松鼠狗[3個月]

松鼠係好神經質嘅狗，大部份都会因小小事就吠，例如門外有人經過；係呢个狗种嘅特質，避免唔到，唯有盡快確立你係主人嘅身份，用你權威命令佢唔準嘈，亦要同佢講响屋企好安全，有媽咪/爸爸响度唔駛驚(佢應該係聽到聲，驚先吠)！但天生嘅未必可以完全改善，努力啦！
困籠就係狗都唔鍾意，困住就無人理佢，佢咁細又去到新環境，又無人陪又無狗陪，又無得玩，聰明嘅狗都会抗議！佢吠你要完全唔理佢，比佢知道吠係無用，但你要有好好嘅忍耐力，佢可以吠幾个鐘完全唔想停，你亦要好忍心，真係唔理佢！如居住環境許可就用圍欄，圍大Ｄ，一面有好舒服嘅床舖瞓，一邊係厠所(大部份狗都唔会鍾意痾同瞓响同一地方)，加上圍欄內有玩具，每次困住佢時会有零食等佢慢慢覺得困住唔係受罪而係享受！但咁細狗半夜起身黑麻麻見唔到人都会驚，如可見到你，瞓响你左近就最好。
如可以比佢自由Ｄ，大家都開心Ｄ，我養咗十幾年狗，有十幾隻狗，全部無困過籠，只要你同佢溝通到，比佢知道乜嘢唔做得(當然咁細个時要將所有危險品放好)，佢都唔会攪破壞；大Ｄ佢就定性，無咁依賴，亦知道你日常起居作業時間，只要有適當溝通，狗狗肯定係你好朋友！

3個月ge狗仔係要教ge!
如果佢成日吠,咁你果時可以同水槍射佢
或者用水樽大力掉係地上面發出響聲,分散佢主意力
千其唔好大響鬧佢,因為咁樣佢以為你和應緊佢,

佢唔中2入籠
多數都係覺得孤獨或者你餵佢食野果時係籠出面
細個果時食野,要係籠入面
唔係ge話,佢就會以為出左籠先有野食
入到籠就吠
如果你想佢係籠出面食,建議等佢大個d,
或者唔訓狗籠時,訓練佢喇

另外狗狗獨留或者自己一個係籠入面
記住比玩具佢玩
同埋屋企無人果時要播有人聲ge節目(唔好係歌)

狗狗其實好有記性, 佢知道當佢入籠後就無得玩, 所以佢入籠後不停地吠, 佢希望你會放佢出來比佢玩, 至於佢成日吠, 好可能佢緊張, 或者聽到其他狗狗嘅聲音, 為表佢自己嘅存在, 牠便不停地吠. 你可以攞D玩具同佢玩, 或者買一個玩具比佢, 這個玩具中間是空心, 你可以放一D佢鍾意嘅零食入去, 等佢玩之餘, 佢亦可以消耗體力, 禁佢咪唔會成日吠啦.

3個月大太細好難比咩意見你，因為通常狗bb都係咁，或者你可以用一塊布姐住個籠等佢見唔到你都有效既。其實最有效既方法就係買條電頸圈對隻狗一生受用嫁，不過如果你覺得殘忍就買d會噴氣味出來既頸圈不過久而久之就無咁有用喇...
希望幫到你啦。