我想改變一下個性,有咩方法可以教下我(20點)

其實你可以唔好急住諗：我要點樣先唔會講ｄ嚇親人的說話。
反而你先學下點樣笑－－假如你本身給人的感覺係唔笑同死板既話，建議對住塊鏡學笑，雖然咁樣未必可以避免嚇講野親人的情況，但至少人地同你一齊個時，唔會覺得有距離感，反而會覺得你份人比較nice，會想同你傾偈。(當然唔係叫你無啦啦望住佢笑，而係如果有時你地對望個時，笑一笑。這樣一來，不但可以舒緩大家既尷尬，仲可以令佢主動同你傾偈，咁樣就怕無啦啦開口嚇親人或者令個場面好尷尬。當然呢個只係好表面而且只不過係第一步。
我想知道你有冇d同你好fd，你係佢面前會變得好雀躍，好開心，同平時唔同，又或者你平時既唔出聲既情況係點??

其實你可以識個多d野講或者攪野d既朋友架!!!!
我有個同學,佢不嬲都係d唔多講野既人,
但今年佢識左個fd後,
個人多左野講好多,明顯有左好多自信,
雖然咁我覺得有d怪怪地,好似模仿人地,唔係自己咁,
但冇可否認佢近黎真係多左d fds,
唔緊要啦,開頭就話學人姐~
但話晒唔係自己性格,好快就會有番個個人風格架啦~~~
我都唔知自己講咩...= ="
總之你識個多野講既fd,話晒對耐左,
點都會同化左少少既...

其實你講的情況, 大多數人, 特別係你呢個年紀的人都會有. 一個正常的人, 冇咩特別的練習, 都唔會在好多人的場合可以神情自然的講野. 呢個根本就係一種技巧, 需要有時間去學習和練習. 你可能會話, 我的其他朋友都唔會咁,但你諗下, 佢地通常都只係在一些熟悉的人面前講, 如果在有好多好多陌生人的場合, 拎住隻咪講野, 佢地又會點呢?

你要明白, 講野都係一種需要準備和多多練習的活動, 你話唔要 鼓起勇氣同人講野,唔洗怕 呢d癈話建議, 其實你根本冇去試過咁做, 如果你真係經常咁試, 你根本就唔會覺得呢d係癈話.

想變開朗, 口才變好d. 首先你要積極的心態, 其次係多和身邊的人溝通. 你諗下, 你成日諗d 唔好的野, 講的說話人地又唔中意, 鬼同你傾計啊?? 你對住人唔多出聲, 人地同你講野你又一句兩句. 更加冇人理你. 冇人同你講野, 你咪會更加唔識講野?? 一個講野天才, 一年唔俾佢同人傾計, 佢都會變得唔識講野. 你想改善, 就只有多些去做. 開始可以多同你熟悉的人傾計, 有時間就多睇書睇報紙, 等你有多些話題同人講. 仲有一樣, 有時冇咩講, 或者講錯野, 可以對住人笑下, 講野個時要望住人的眼, 有d表情.

最後一句, 人的個性係好難可以改變, 但要改善自的待人接物的技巧就唔難. 想要進步就係虛心, 人地講的野你覺得有用就學, 冇用都唔好話人地係癈話. 你自己係好係壞, 同別人冇關. 你學到係自己的, 學唔到都係自找的

你可以多交朋友，擴闊生活的圈子，便會開口説話，

性格便會開朗，你的溝通技巧亦是十分重要

不要怕尷尬，講多d，你便不會這樣害怕