愛上一個不可以愛的人... (40分)

當你鍾意一個人既時候 佢既優點
真係會數之不盡的
我唔係唔信佢 係一個咁完美既人
我只係想講 愛情會令人盲目
其實識唔識得耐 真係冇所謂
大家有緣既 先會相識 直至熟落
就算只係好好好朋友 都要有一定既緣份
我都曾經好似你咁 我唔想冇左個好朋友
但係如果要做好朋友 我就一定放唔低佢
但我發覺 其實一切都只係自己既藉口
我唔係放唔低佢 唔係唔想冇左個好朋友
而係 我根本唔想放低佢!!
或者 痛苦係必經既階段啦
但只要你識得諗既 痛苦都可以變開心
現在 我好開心呀 因為佢當我係好朋友
有事既時候 我可以同佢分憂 開心又可能分享
以前我冇諗過今日同佢會有咁既關係
只係不停咁諗 有咩方法又可以忘記佢 又做到朋友?!
但我覺得 當你真真正正放得低既時候
你就唔會冇左lee個好朋友 明嗎??
開開心心咁面對佢 好似朋友咁
見到佢開心 就會開心
見到佢唔開心 就會立即出現 令佢開心返
lee樣 就係你依家唯一可以做既事 就係接受!!
一切都係事實 而且你又唔想當第三者去破壞人地
嘗試下呀 真真正正既接受 好過你刻意咁唔諗佢
返而會弄巧成拙!!
加油呀!!我知道一開始係有d難 但你總要面對的!!
支持你呀!!希望幫到你啦~

愛一個人，唔一定要擁有她吧......

唔可以咁自私......

她鍾意o既唔係你，

我勸你唔好做o的破壞大家友誼o既行為。

如果唔係，到時你會更加辛苦。


我諗你可以做o既，就係慢慢減少同佢不必要o既接觸喇......

哇~!, 咁睇黎你好慘wo, 其實我覺得人對感情係自私既! 如果你真係想可以終有一日同佢一齊既話其實都唔係冇可能, 但係就要睇下你幾有耐性同埋幾忍得口忍得痛, 你要有決心比自己知道你會等待, 你會係佢後面繼續支持, 有咁既決心已經足夠去爭取一段感情, 當然, 你係咪真係咁中意佢, 你肯定自己比倒佢要既野佢??

機會係留比一d有預備既人

不過我想提醒一句, 通常中意一個人既時候都睇唔倒佢既缺點, 佢背後既真性情你知道得清楚嗎?

唔好咁唔開心啦...雖然我未遇過D咁既情況= =/
一個人好自然多人鍾意,你鍾意佢無可厚非的
既然你都已經決定左唔做第3者咁你又有咩好煩惱呢?
你既然已經決定左同佢保持朋友關係就唔好諗咁多
諗得愈多只會令你更迷惑/迷茫...
唔可以做男女朋友並唔代表唔可以係好朋友關係呀
兩者係冇衝突的,所以你係唔會冇左個FRIEND
雖然唔可以1時3刻叫你即刻對佢冇FEEL
但你可以去做你鍾意做既事,令自己唔好成日諗佢
仲有你可以再擴闊下你個社交圈子.
等你可以結識多D異性,搵一個岩你既女朋友
如果你終於唔想放棄個女仔,
你可以係佢身邊默默照顧佢關心佢.疼佢
當佢分手之後你就可以明正言順追佢.
佢知你對佢好自然就容易接受你...努力啦!