養狗要考慮咩嘢因素?(10分)

要養一隻狗同你要生一个ＢＢ一样咁多考慮！！
1/ 居住環境---住屋可否養狗？
2/ 有無時間---每日是否定時回家？家中有無人可長時間照顧？
3/ 接受能力---狗狗係好可愛，但未養過狗嘅以為佢哋係玩具，當養到一隻超聰明，而你又唔識控制嘅(俗稱曳)！你会揾方法去教佢？放棄佢唔駛煩？
4/ 飲食活动---肯定可以比到佢均衡飲食以及適量活动？
5/ 疾病医療---狗同人一样，一出世就要打防疫針、瘋狗針、攞狗牌；食杜虫药、心絲虫药；到中年可能要食Ｄ補品；有病痛要揾个好獸医....。
6/ 日常護理---梳毛、剪毛(你可以自己剪，但有Ｄ自專心强嘅狗会覺得自己唔靚而唔開心)、剪腳甲(唔識剪好容易剪到出血)、拔耳毛、洗耳孔、擦牙、沖涼...。
7/ 關懷溝通---狗唔係玩具，有生命有性格，要好有耐性去了解先可以快樂咁長久相處。
8/ 一生一世---考慮過以上因素(都未必係全部，一時間諗唔到咁多)，都可以接受，你就要負起佢十多年生命裡嘅一切！衣食住行，生老病死！錢係其次(都唔少)，愛心最緊要！

玩具貴婦係可愛兼聰明，但如你無養狗經驗，養咁聰明嘅狗肯定比佢食住，你做狗佢做主人！買Ｄ參巧書認識吓狗狗嘅思想、行為、習性，呢度三言兩語唔可以講清楚！當你了解狗狗之後先至決定養唔養，我諗比你想像中困難得多！但當中那樂趣又会比你想像中更多！

補品?

首先, 你屋企是否可以養狗, 另外, 你要考慮你有無時間及耐性去照顧佢嘅起居飲食, 每日帶佢出街散步, 陪佢玩; 若果佢有病或年老時, 你有無能力帶佢去睇醫生, 以及放假來照顧佢; 而你想養玩具貴婦狗, 你更加考慮佢哋每一個月到個半月左右要到寵物店剪裝嘅成本, 大約每次二百伍拾至三百元左右, 因此, 在你養狗狗之前, 你真的考慮清楚, 不要因一時衝動, 而製造多一隻被遺棄嘅狗狗.

你可以到石塘咀成人圖書館找第一次養狗就上手這書便可!

買狗:
1)係咪鍾意佢
2)會唔會毛敏感?
3)屋企夠唔夠大?
4)你會唔會幫佢搞手續?
^^^^^^^^^^^^^^^^^^
玩下姐..
1)狗食1日2盒,一盒7蚊左右
2)狗狗半個月剪一次毛毛,腳甲,一次差唔多200蚊
3)買狗玩要成日換
計下計下一個月都要14x30+200=420+200=620
你養下養下就唔想養嫁啦
隻狗狗細果陣係就係q
但係老左唔q,大多主人就唔理佢地嫁啦
你係咪會終生照顧佢?

Will you keep your dog until it die?
Do you search the infiormation before you keep a pet?