保養有無分年齡？？

✔ 最佳答案

保養唔係單單某部份嘅, 係要成個人健康, 只係靠買護膚品楂呢度楂嗰度只係浪費金錢同破壞自己健康, 應該食多啲蔬果, 戒飲/食冰凍嘢, 日日做運動, 咁就又靚又健康啦, 留番啲錢夠環遊世界喇! 唔好以為講笑, 做到咗你就知道邊個講真邊個氹你喇!

2008-04-21 17:22:49 補充：
仲有係要有正常同足夠嘅休息時間, 即係唔好捱夜, 唔好以為後生可以捱, 唔係第時後悔都無謂喇! 好多人以為養生好"老套", 係幾千年前嘅人先講, 其實係而家啲人樣樣嘢為錢, 發明呢樣發明嗰樣氹人洗錢, 倒頭來邊個損失呢? 明明健康係好基本嘅嘢點解會變成遙不可及嘅呢?

2008-04-24 08:35:43 補充：
唔好話不適合既護膚品, 就算你認為適合既護膚品, 表面上好似有效, 但始終係有化學成份, 雖然係外用但一樣係滲透入身體裡面, 日子有"功", 到知道有後遺症已經太遲喇, 仲有啲成日標榜全天然成份就更加大話連編, 咁天然一出廠就過期啦, 天然新鮮就係保存唔到嘛, 自相矛盾, 人哋話十賭九騙, 我話"十廣告十騙"呀!

2008-04-24 08:43:51 補充：
我同你講嘅嘢其他人唔會同你咁講, 因為好多人都被錯誤觀念同懶惰籠罩著, 睇唔到事實!

回答 (2)