10個月大BB女唔多飲奶,點解?

雖然飲奶營養係多, 但一定唔夠食粥多. 其實6個月大開始, 單靠奶粉已不足夠供應生長需要, 所以必須加入固體食物, 而且固體食物可補充奶粉以外額外所需之營養. 請參考以下衛生署建議 :

6-9個月
- 每日餵奶3-4次, 另外加入補充食物1-2次

9-12個月
- 每日餵奶2-3次, 另外加入補充食物2-3次 (包括早餐或下午茶小點)

1-2歲
- 每日餵奶1-2次, 另外加入補充食物4-5次 (包括早餐及下午茶小點)

我覺得奶粉o既沖調方法最好跟足罐上說明份量, 不可因小朋友某一餐冇胃口而加多奶粉份量或加入其他如葡萄糖, 要留意這樣小朋友習慣甜味後, 好難返轉頭食/飲番清淡食物, 結果仲會影響她將來成長過程.

此外, 本人唔建議多加干瑤柱煲粥, 一來不便宜, 二來因小朋友習慣後, 會冇干瑤柱不歡, 三來小心小朋友梗親, 你可叫你家姐或細妹照以下配搭方法煲粥給BB女食 :

1/ 新鮮及最好每餐餐單不同 (急凍肉類和鮮肉營養價值相同)


2/ 每餐要有菜有肉, 均衡營養

- 肉 : 可以輪流先食雞 (可用急凍雞柳因冇骨, 方便)、魚 (又係用急凍魚柳因冇骨, 方便)、豬肉及蛋黃 (先試1/4個, 冇敏感的話可每次增加1/4份量, 如此類推). 牛肉及蛋白較易引起敏感, 可遲一步嘗試.

- 菜 : 任何菜都可以. 首選南瓜 (味道略甜, 小朋友大多數容易接受)、番茄 (驚酸的話, 可加小量糖), 娃娃菜、紅蘿白等等.

***要記住初次煮一樣小朋友從來沒有進食過的食物, 最好持續餵食超過5-7日, 因這樣才可確定小朋友是否對這種食物敏感, 尤其是牛肉及蛋白.

3/ 主要用米煲粥, 但你可嘗試煲麥米粥或麥皮以增加新鮮感.
- 盡量減少加入糖、鹽或油, 以天然及清淡為主.

4/ 另外可餵小朋友進食生果, 先試食蘋果、木瓜、梨和香蕉.
橙較易引起敏感, 可遲一步嘗試. (我冇打錯, 你亦冇睇錯, 係橙, 唔知原因, 只知係研究結果)

我已將我所知的「知無不言」,「言無不盡」la, 希望幫到你啦!!!

2008-04-21 18:18:19 補充：
補充食物
- 不太建議. 以我所知市面上出售的補充食物大多加添了大量糖和澱粉, 如真的要購買時, 小心查看標籤所列明的營養及成份. 請盡量用天然、新鮮及清淡食物作為補充食物, 因比較健康.

*** 如對小朋友進食份量有問題, 你可致電向母嬰健康院姑娘查詢

你哋粥甘豐富甘有味道，我都唔飲奶啦，其實食粥都可以好有營養既，不過你要每日用不同食材囉，達至平衡營養。BB食開有味野，好難會番到轉頭，不過你可以將哋奶粉加落哋粥度，又或者每日食一茶匙營養素，其實即是維他命什，是糖漿來的，好好味架。