水草水草水草水草水草

水草起泡，不外乎光合作用，所以環境一定要適合。條件係：
１．光：光質同光量都要o岩，量唔駛講啦，視乎水深，１８寸以下可以用ｔ５ｈｏ，以上都要用到鹵素燈。光質就要用色溫為６５００－８０００ｋ之間，咁最適合水草。
２．ｃｏ２：量要足夠，唔係兩尺以上o既缸，以計泡器去計一秒一個泡都夠啦，但要用細化器令氣泡變細，等ｄ泡唔好咁快升到水面流失，變為可以o係水中耐ｄ，增加溶解度。亦可以用溶解器，焗住ｄｃｏ２溶入水先放入缸。
但另一點同光合作用冇關，最易為人忽略。其實氧氣o係葉中制造，經葉面／底氣孔一點一滴放出，如果光合作用旺盛，生產得快，就會o係氣孔口形成小泡，小泡再集結成大泡。但係如果水流快，個小泡形成冇耐就被水沖走，咁光合作用幾旺盛都冇泡。以我個缸為例，除左我關濾桶時，真係冇泡架。
其實種水草o既目標係要種出健康o既草，唔係谷出大泡，將各條件谷盡（如用過強o既燈），無疑泡多左，但係副作用（水溫、出藻）又難免。唔好本末倒置咁著意追求出泡啦。
圖片參考：http://tw.yimg.com/i/tw/ugc/rte/smiley_3.gif