急...唔知有無買錯保險

你的選擇:


一. 你可以即斷, 再揀過,

好處: 有時間詳細考慮,

壞處:
保險有太多種, 如果你個介紹人明白你溝通到,
一般都有買貴無買錯

如果自己唔明, 太多比較就會揀錯. 又 斷又開,
中間有些日子會無保障, 又會失去投資時間即利息.

二. 保持現狀,

好處: 一直有保障, 不會失去利息
六千一年, 只是五百一個月, 日後可以再加保,

你的優勢:

1. 年齡及健康:
有權可以買好便而不加價的保險, 或高價而回報高的保險

2. 新保險有泠静期可以取回保費;


你的劣勢:
無主見, 時間精力不允許你自己研究
但可以用你信得過又溝通到明白你的中介人帮你.


市場上有的參考資料:


1. 以你的年齡可以用千四蚊一年買100萬人壽.
但會按年加價直至加到1萬四一年,
不過到錢多時才轉成不加價的種類.

2. 或 二千六買25萬人壽,一世不加價

3. 或 用 一千四買危疾30萬一世不加價

4. 或 用 三千買住院醫療 + 疾病及意外醫療

5. 儲蓄可以任你存一元或 一萬都可以有(需有基本人壽單)



希望帮到你.

剛得閒, 睇到這個問題...因我係中國人壽的agent, 有點興趣回答下

1.中國人壽不出名的原因係..因他有90%的生意係來自代理銀行..即中國銀行, 南洋商業銀行, 集友銀行和交通銀行, 有時d人買左都唔知自己係買左中國人壽的計劃

-----即係你行入這些代理銀行, 話想買保險, 佢地會出一份中國人壽的計劃比你, 即係你買的也是中國人壽的計劃, 不是買佢地銀行的人壽計劃..(((銀行本身是不能推出人壽計劃...很多人都會攪錯)))

----當然近3-5年, 這些代理銀行眼見做保險好發,接著有樣學樣, 成立了自己的保險公司,他們事實上只是代理2個保險公司的！

2. 你買的女性保, 是買了人壽, 儲蓄, 和危疾...這些全部都要用錢買！

3. 除非你附加醫療(康健保) 或 住院入息.. 否則你係沒有醫療保障的！

4. 如你想買純保額(即你所說的保金), 為什麼不利用"冷靜期"退左張單去...買純人壽term...以你的年紀, 2000一年, 都買到100萬人壽, 是最平的

個人認為：如你想有一份特定供款年期, 包人壽, 儲蓄, 和危疾..女性保不失為一個ok的product..

其實保險無話買唔買錯ge,最緊要哩一刻你覺得哩個
計劃合唔合適你先?你諗住12年後斷,y呀?12年你供左幾$呀?拿返幾$呀?如果你甘諗,不如你先在冷靜期內cut左佢先,諗清楚先啦!買term其實好便ga,不過無儲$成份!
我個agent都幾好人ga,你唔介意我可以介紹比你識,你覆e-mail比我啦!
[email protected]
點都好啦,諗清楚你自己想要d咩,我相信你個agent都可以幫到你的,最緊要你同佢溝通下囉!^^

樓上個位pic3288, 請問你所提供的保費HKD766.00是一年保費還是1個月的保費呀?

建議在冷靜期內先Cut單，之後慢慢比較，看清楚比較清楚才買。
儲蓄人壽是基本的，因為投保後不會加保費，供款20年終身保障，有基本保障日後健康情況如何也不用怕了，因為健康有問題時，想投保也沒有公司接受投保
醫療都是可以先投保，亦是健康有問題時，想投保時都冇公司接受
意外，住院入息，可以遲些都冇問題
可以介紹你，投保額50萬，供20年，終身保障，傷殘豁免保費，住院醫療及入息保障，綜合意外險50萬，合共保費：766.00，比你現時的好好多，你可以比較下，如有需要可以電聯，希望幫到你

首先你講唔到你份係咩野單。這份時代女保障保d 乜？一份完整的女生保障是包括︰人壽（終身的），意外，危疾，醫療，婦女。另外亦可做埋基金投資單。你話份單最少供12年，最多供18年，但人壽的保障是否終身（即是供完18年後你幾時死都有得賠，還是18年後供完，將單都完結了，所有保障終止了）。我建意你在冷靜期cut 單，可以取回所有供款。以下是小小資料，你可以多找幾間保險公司，睇多幾分單，再決定買邊隻單都未遲，因為講緊係十幾20年的供款，好大數目。
人壽單︰一般以第一次投保年齡計，保費以後都唔會加，所以越早買越著數。呢類賠償是死了先有得賠，所以對於單身人士，無兒無女，同埋已經唔駛供養父母的人是用不著的。你咁年輕，供完10多20年後先發覺自己是這類人，咁就真係唔知好唔好再供落去。
意外︰一般會保到65-70歲，每年或每5年調整保費一次，視乎個別保單而定。當中有分意外死亡，肢體殘缺，喪失功能和意外的醫療費，物理治療及義肢等。未必隻隻單都包晒，你一定要問清楚。賠償金都唔同。有d會包外地出事要運反香港的費用。
危疾︰會年年加或5年加，視乎不同保單。通常發現危疾時只將保額的某部份發給你，餘下的，死了才賠。另外，有些危疾單是包第一隻危疾，中第2隻就唔會再發部份保額。還有，有些癌症是唔包括入危疾內的。
醫療︰分住院津貼（零用現金）同住院兩種。這類單建議獨立購買，因為如你公司有住院保障，你自己唔駛再比錢買，同埋政府攪緊醫療改革，唔知結局會點，分開買會零活好多。買住院的要考慮個保障夠唔夠住私家，如你只考慮住政府，可以不買住院，因為用唔到。
婦女︰好多都會同危疾重叠，要睇清楚，無謂比兩個錢但只得一個保障。
基金︰而家好多保險公司都將上述保單同基金掛鈎，你要攪清楚同基金掛鈎後的保障是否全面。雖然佢地會話基金賺好多，但基金都會蝕的，要問清楚蝕的話怎樣，全部的收費幾多，中途無錢供又會點，斷單又會點，駛唔駛罰。
你仲年青，買保險唔急於一時三刻，因為真係講緊10年以上的供款，10年可以有好多變化，例如結婚，生仔，買樓，失業等，都會影响你供款的能力。所以不防多看多份單，問多d，先決定。

投額25萬=超少！
建議而家取消(泠靜期內)
Call Agent 話取消&打去客戶服務部備案！
身邊無人買中國人X的保險！炒佢的股票就有！
去問下歐美出名果几間...友X、宏X、國X、保X、X明....
19歲女：人壽+危疾+住險+婦科=6千幾