龜bb飲食一問

以下是我經驗, 你可做參考 :


我自己隻龜剛剛買回來時, 亦都係好細隻, size 比姆指頭大少少咁多
因為仲細 所以就無給生果及肉類等食物佢食,

原因 : 生果, 怕太硬, 佢食唔到, 就算食到又怕佢會嗆到.
肉類就有寄生蟲, 會食死佢０架．所以唔給牠食.

淨給細細粒綠色的龜糧佢食 (金魚街有得買), 份量容易分配
我自己就每日3餐, 早午晚
每次喂食先以 1-2粒來試,

留意佢地反應, 如食慾唔沒咁積極, 就減分量,
如依然好想食, 亦只加多1粒佢, 不會再多了
因龜糧佢地食得太快, 進入肚裡後會發脹的,
所以領願給佢少d, 等養多1-2個月再後, 到時佢地亦大個d,
可以每餐分糧增到2-3粒不等, 視乎情況而定


我就唔讚成給豬肉或牛肉龜食, 因真係好多菌會令佢有寄生蟲, 反對龜唔好
記住 人類的食物亦唔好給龜食, 會害咗佢的.


如怕龜糧唔夠營養, 可補鈣片 . 我都係咁做

或買些專給龜食的維他命粉 (我自己就未試過, 你可到金魚街問問)

現階段由於佢太細隻了~唔係太多的選擇.

你要有耐心等佢長大d,
到佢 1歲 - 2歲咁上下先給牠吃d生果.
即係我地食既新鮮生果．對佢地好好的．


生果洗乾淨後, 最好去去皮, 如不去皮, 最好先浸浸水, 過過農藥.
生果要切細細粒, 方便佢進食,
亦要選d不要太硬的生果, 最好係梨, 木瓜或提子(要去核) 等.
蘋果亦可以 (如牠願意食的話)

你亦可以試下給佢新鮮的蔬菜, 如生菜等, 但較麻煩費時.

菜一定要清洗乾淨, 因怕有農藥及其他化學物質
所以清洗後,要用水浸住, 每次浸30分鐘, (最少要浸3次)
我自己就算買d有機菜, 都怕有問題, 始終唔係好放心, 所以唯有咁做.

由於沒生果方便. 給牠食菜這part你 亦可以免除.
因市面上有d專科 蔬菜類的龜糧 , 用個d代替的亦可.


另你亦可副補蝦干來補充蛋白質, 佢地好鬼鐘意食的,
係一食難忘個種呀~~ 呵 ^ ^

但千萬不要給太多, 蛋白質太多, 會好易令佢肥胖.
亦令佢地唔肯再食其他食物, 淨想食蝦干.
話明係副作食品所以唔駛餐餐食,
每星期抽2日- 3日的其中一餐好啦
無特定時間, 隨你.


係UV太陽燈 嗎？
如龜住的地方每日有陽光照入來及通風良好
咁就唔駛成日照大陽燈了

因太陽係最好的天然品,　對佢地龜殼同器管成長好好的
如沒太陽曬，就要每日用ＵＶ太陽燈照補上，但注意時間及距離


依家我隻龜都係咁樣養咋, 不知幾咁健康 ~~　 ^ ^

2008-04-21 12:28:13 補充：
提提你
不論你給龜糧或新鮮蔬果, 每次喂完後要即換水, 水質對龜好重要

我真係好想知道邊個衰人叫人用豬肉黎餵龜, 請你睇下以下的個案 :

http://hk.knowledge.yahoo.com/question/question?qid=7008041802000

食到佢疴虫, 你有無想過龜在野生的環境下, 龜點樣有能力殺一隻活豬呢 ? 定係有人會定時定候餵佢呢 ? 仲煮埋比佢食 ?
不如簡單些, 食番魚仔,. 豐明蝦, 龜糧, 蝦乾之類啦 ! 就算真係要食熟豬肉, 等佢大個仔先啦 ! 龜仔抵抗力太低, 受唔住嫁 !
買左太陽燈就做得好啦 ! 但有太陽都要曬多些, 因能製造鈣質同維他命. 令佢的器官同龜殼健康地成長, 而太陽燈係無太陽時的代替品, 都有用, 但相比下梗係太陽好啦 ! 記住放些水到腳仔(即浸到殼邊) 費事乾曬. 可放些石春等佢唔駛24小時浸住皮膚, 休息下, 曬下太陽, 胃口都好些 !