加州花園/豪園VS大埔康樂園

完全兩個級數, 加州花園/豪園只係入場費300-700起及面積一千呎, 但康樂園要過千萬及面積二千呎以上.
我會選康樂園, 因地方大及高級d, 買嘢2度都有市中心超市便利店, 但康樂園出大埔 多嘢買d及方便, 加州只係出上水/元朗無大埔咁方便及旺.
抵住當然加州, 但我自己不太鍾意間隔, 一幢千幾呎應無問題, 但分2層中間又有層閣樓, 好奇怪, 攪到又細又矮.
當然先租後買, 現樓價升咗一排都未回, 此類樓又非市區樓不會大升大跌, 但樓價好參差, 因無裝修會平d, 裝修執過會貴正常100-300萬. 你都要住落ok先買未遲.
否則可考慮錦繡花園, 平d方便, 間隔好d.

我個人覺得康樂園好少少.

仲有,你可能搞錯啦,康樂園大size的屋,有成3500呎,比加州的2400呎更大.

兩個屋苑都係咁偏僻,住得呢d地方,都一定有車.論方便其實差不多.

加州比較新,用料唔錯.不過,我都同意佢有部分間隔有少少怪,無乜住大屋的氣派.

康樂園舊d,部分地方望落比較殘,觀感不佳.但面積大,花園大,感覺上夠氣派,有住屋仔feel.

至於風水,呢樣野見仁見智,兩個屋苑我都帶過客去睇,暫時都無乜聽過話覺得風水有問題.

其實,兩個屋苑根本唔可以直接比較,加州呎價大約係$3000幾至$4000幾,屬於平民級house.

康樂園呎價由最低$6000幾,至最高$9000幾,差不多一萬蚊,屬於豪宅級數.

少少個人意見,希望幫到你啦.

my e-mail--- [email protected]