兔兔唔多肯食草

請問兔兔的排便情況如何？係常見嘅一粒粒，圓圓硬硬的？還是一串串帶有異味，表面濕潤而有光澤，細細粒的？兔兔眼睛有無大量或持續咁有分泌物？有無經常抓耳仔和搖頭？個口有無流口水？鼻上有無分泌物或者持續打乞嗤？最近飲水分量係咪比平常多咗或少咗？
最近家中嘅環境有無改變，例如：餵食時間係咪定時？屋企有無多咗一啲嘈音如鄰家裝修？屋企嘅裝修陳設有無改動？有無定時讓兔兔喺籠外走動？
有無轉過主糧又或者乾草？用緊邊隻牌子嘅主糧和乾草？
有無帶過去睇過獸醫？醫兔唔同醫貓狗，因為喺香港，對兔兔有經驗嘅獸醫唔多，要先問清楚唔好亂咁揀！
若果你嘅兔兔依家只係食主糧，而乾草只係食得好少，你就必須要注意到兔兔有無腸胃停滯、腸胃氣脹、牙齒咬合不正及牙刺等問題。你可以參考以下呢本書，睇吓會唔會幫到你：
書名：家有寶貝兔 作者：吳景施,Rosaline Ng 出版：萬里書店
(呢本書喺商務印書館、三聯書店、大衆書局都有得買，亦可以到康文署嘅公共圖書館借到)
http://www.rosybunny.com/
若果兔兔肯比你抱比你摸，呢幾日可以嘗試為兔兔按摩腹部，唔使抱起兔兔，只需從兔兔身體兩側伸手到牠的肚下，由胸部向下掃腹。目的是刺激兔兔嘅腸臟蠕動，力度唔可以太輕，亦唔可以太重，要好似女仔做 facial 嘅力度就可以。(要注意：兔兔嘅肚並非係玻璃肚，只要力度適中，兔兔嘅肚係可以觸摸的。)
乾草方面，可以試試挑選一啲較嫩嘅乾草葉比佢試食，你甚至可以用手遞到兔兔嘅嘴邊餵食。
不過，因為你嘅兔兔持續有幾個月小草多糧，所以為咗安全起見，我建議你應該揾個信得過嘅獸醫幫兔兔檢查，以確定問題所在。而因為喺香港，有醫兔經驗嘅獸醫唔多，要小心去揀。
以下係我最熟悉的獸醫推介：
1)夏利維動物醫院嘅 Dr. E. Stephan Lehner
香港天后永興街37號地下
Tel.: 2570 6048
Mon.-Fri.:8:00am to 8pm;Sat.-Sun.:9:00am to 6pm
www.animalhospitalhk.com
2)黎昌生獸醫診所
香港跑馬地山光道1A意盧小築地下B舖
Tel.:2893 2988
急症：9776 5477
每日10am to 8pm(公眾假期休息)
3)愛護動物協會-九龍中心嘅 Dr. Cora Heywood
九龍公主道105號
Tel.:2713 9104
Mon.-Fri.:08:50am to 12:30pm,02:00pm to 4:30pm
Sat.:08:50am to 12:30pm
4)大圍珍禽異獸及竉物醫院嘅 Dr. Tiger
沙田大圍積信街 69-75 號立和樓地下 B 舖
Tel.:2687 1030
急症：7116 8888 - 2000
9:30am to 12:00noon, 2:00pm to 8:30pm

2008-04-22 00:59:06 補充：
你嘅兔兔的排泄物應該係屬於正常，而現時嘅精神狀況亦都 ok！
不過，你仍然要時刻留意住兔兔嘅健康情況，假如情況有變，就要小心提防兔兔生病，更要考慮帶兔兔到獸醫作檢查。兔兔生病有時會可大可小，所以為咗兔兔健康，除咗要時刻留意住兔兔嘅健康外，其實作為主人，最好要安排每年帶兔兔到獸醫作例行健康檢查，以減低病發嘅機會。

2008-04-22 00:59:17 補充：
咁你有無幫兔兔按摩腹部？
為兔兔按摩腹部，目的是刺激兔兔嘅腸臟蠕動，幫助消化。
有無嘗試選擇一啲較嫩的乾草葉比佢食去改善多糧少草嘅情況？
食草確實係比食主糧健康，你可以轉買另一隻牌子嘅 Timothy(例如:Oxbow)，混入去啲舊草比佢試，直至佢漸漸適應之後，就要慢慢增加新草嘅比例，直至佢完全肯食新草。

2008-04-22 01:25:10 補充：
兔兔個口有無流口水？張口時有無口臭？甚至流牙血？
兔牙係會不斷生長的。如果兔牙天生咬合不正常，就有可能會影響到兔兔食草，而兔兔因為牙痛而只願去食較軟身嘅主糧。呢個情況必須要揾獸醫處理。
因為佢少食草嘅關係，少咗用草去磨牙，牙齒又不斷生長，亦有機會會引致兔牙咬合不正，引致佢食草時唔舒服。
若果兔兔食得唔好，就會消化不良，而因為佢少食草缺乏磨牙，長牙會引致兔牙咬合不正，導致流口水，若果長牙刺傷舌頭和口腔壁，兔兔除咗會覺得牙痛之外，亦有可能會引致口腔潰瘍。

所以，若果兔兔連較嫩的乾草葉都唔願食嘅時候，你就應該要考慮帶兔兔到獸醫作健康檢查啦！

2008-04-22 01:36:03 補充：
你或者試吓睇呢本書，你會明白我講嘅情況。
書名：家有寶貝兔 作者：吳景施,Rosaline Ng 出版：萬里書店
(呢本書喺商務印書館、三聯書店、大衆書局都有得買，亦可以到康文署嘅公共圖書館借到)

又或者上作者嘅網頁：
http://www.rosybunny.com/