搞 婚 禮 一 般 要 多 少 錢 ?

結婚開支真係好多，樣樣都係錢。
1)你要預算一吓，擺唔擺酒？
唔擺~ 旅行結婚既旅費幾多錢？
擺~ 响邊道擺？擺幾多圍？每圍預幾多錢？宜家最平到要成$5000/圍(包酒水)

2)俾你媽咪既唐餅幾多？西餅又幾多？自己派既又幾多？
(宜家一張唐餅卡大概$35，西餅卡(美心)大概$38；已經有8折)

3)影婚紗相：香港影比其他地方影已算平，起碼慳左機票錢
宜家影婚紗相package大概$2800~3500，未計upgrade啲晚裝、買男裝恤衫)如果計埋，嗰package大概要成$4300左右。到買相，影得靚又會買多啲(50張相左右)，又加大埋幅油畫、簽名布、upgrade埋本相簿，你預大概$8K~10K

4)結婚當日化妝？大概$3500~4000(已有質數保証)

5)結婚當日婚紗、晚裝？大概$3500~4000( 1婚紗& 3晚裝/1婚紗、 2晚裝& 1男禮)

6)褂? 大概$600 (已屬於保証頭 5 次內外租)

7)結婚介子？(豐儉由人)

8)印帖？(好多酒樓已包括)

9)結婚當日花球、襟花、手花？大概$1000

10)過大禮？(豐儉由人)

11)禮金？(豐儉由人)

12)結婚當日攝影？ 大概$3500~4500

13)買樓？租樓？
買樓~ 一層二手100萬既樓，做九成按揭，首期$10萬，連地產佣金$1萬，律師費$5K~6K，裝修+買全屋傢電$50K~60K

租樓~ 1萬以下都有好多選擇，買傢電就得

14)開門利是？俾兄弟姊妹既利是？(豐儉由人)

15)其他極瑣碎既物品？5K

***我啱啱結完婚，我用左大概15萬搞結婚，已扣除收回既人情&俾媽咪既酒席，但未計買樓！我地結婚後打算起碼3年後先會諗生BB，因為未回到氣，要再儲錢.....

希望以上資料幫到你做預算，不過大有大搞，細有細搞，最緊要睇住自己銀包有幾多錢去做每一個決定。

看你們自己的能力吧!省錢的話,到註冊署註冊,再請親人吃頓飯即可。

如果想搞大型的,就真的各有喜好:
我那時候在陽明山莊請客(西式)@$750,約200人,共$150000
訂造水晶婚紗$32000,六套晚裝共$36000,全新褂$4500,
雙方家長禮服$5000
老公禮服兩套$15000,八位伴郎禮服共$8000,八位伴娘禮服共$8000
二十人鞋子共$10000,花球、化妝、花車、律師(友情贊助)
全場鮮花汽球佈置加$24000
攝影、錄影$18000,大衿姐$10000
即日派利是約$50000

餅卡500張$16000,嫁女餅$25000
禮金$280000

婚紗照(香港、日本、台灣)共$150000

還有很多雜項我也算不清了!!

其實豪有豪搞，亦都有經濟實惠嘅，咁要視乎你哋想將個婚禮點搞啫。我舊年結婚經朋友介紹咗個wedding planner幫手搞結婚，佢嘅服務唔止好而且質數亦好高，而且價錢都唔貴！如果你有須要都聯絡佢問下啦，佢email: [email protected]

其實而家搞一個婚禮上落可以好多...

例如..你想o係酒店定係酒樓擺酒...

擺幾多圍呀..

影相...專業定係普通呀..

婚紗..禮服...訂做定係租呀..名牌定係普通呀...

禮金幾多呀..

場地佈置...用鮮花定係絲花呀...等等..

好多野都要考慮...

可以由10萬~100萬不等..

如果想知多d可以email我再傾下..比多d information你..

[email protected]