倉鼠為何不能濕水?

唔俾鼠用水沖涼,係怕鼠鼠有感冒,唔係怕鼠鼠浸死,所以多水少水一樣危險,就算平日水樽漏水之類既問題,都有感冒既機會

雖然鼠鼠掂到水唔係100%會感冒,但可避免既當然係唔好咁做啦,好似人食趺左落地既食物都唔一定會肚痛,但都唔應該食咁

原居沙漠既倉鼠,根本較難會接觸到好多水,佢地都係用沙自己沖涼既

我第一次養鼠時,家人教我用水同鼠鼠沖涼,細個咩都唔識,同隻鼠咁沖,之後隻鼠就死左了,當然天氣都幾熱,係暑假唻,都一樣冷親

因此,要盡量避免俾鼠鼠掂到水,沖涼最好係用沖涼粉

同鼠鼠沖涼既步驟:
1) 要將鼠鼠放去第個盆or籠度,我就用養龜仔之類既小缸同鼠鼠沖涼既.
2)將沖涼粉灑落鼠鼠身上,避免將粉整到落鼠鼠既眼耳口鼻.可以用手整少少粉鼠鼠既頭頂,再同佢掃下
如果佢郁唻郁去,你可以一隻手抱起鼠鼠,一隻手將粉整落鼠鼠身
3)用手掃下鼠鼠身上既沖涼粉or由得鼠鼠自己整走都ok.
4)再將鼠鼠整左落唻既粉整多2-3次落鼠鼠身上(用未用過既都可以)
5)沖完涼將鼠鼠身上既粉掃走,咁就可以放返鼠鼠入籠啦.

同鼠鼠沖涼,要留意以下幾點:
1)要用沖涼粉,唔可以用水,唔係好易令鼠鼠感冒既
2)買沖涼粉都要記得唔好買有香味既,有味會有機會令鼠鼠過敏,敏感嚴重係會致命
3)唔可以日日沖,一星期沖一次,天熱最多兩次,成日沖涼會令鼠鼠抵抗力下降
4)盡量避免沖涼粉整到鼠鼠既眼耳口鼻