2歲兒童好唔好做抽針化驗呢?(最好係醫生)

健康其他 - 疾病

siu

2008-04-21 2:06 am

小兒頸上有好多粒淋巴核, 半年前已經睇過好多個兒科,驗過血照過肺, 半年後今日我發覺個仔其中一邊頸上有的大粒左, 所以去睇醫生, 已睇過2個專兒科, 一個就話食一個星期抗生素, 如果無變細就要開刀拎粒野出黎化驗,但佢之前唔見意開刀做手術, 我問佢佢又話覺得佢唔似係的衰野, 另一個醫生就話佢係淋巴核, 一邊頸有十幾粒, 而另一邊有3粒,但我問佢點解佢半年內的淋巴核無細過返而大左, 佢就話佢係咪半年內無病過呢, 佢仲話有時小朋友有細入侵左未必會發病, 但係淋巴核已經工作左, 所以會大, 佢仲話淋巴要大既話3幾日就已經大, 但如果要佢細就要好長既時間, 話小朋友好多時都會淋巴核發達的, 因為小朋友多病痛, 要佢地大約7-8歲無咩病痛時的淋巴先會細好多,佢認為佢唔係的衰野, 佢話但如果你擔心可以用抽針化驗, 佢唔會建議開刀拎佢出黎, 抽針既過程係, 首先比的訓覺葯佢食(類似大人安眠葯), 之後係頸位做局部痳醉, 再用超星波照住最大粒抽的組織出黎化驗, 我自己好心大心細, 因我好想拎的組織出黎睇下係咪無問題, 但我又唔想佢受苦, 所以好難決擇, 但我個小朋友佢行得,玩得,食得,訓得,仲頑皮到不得了, 面色仲好好添, 請有醫學常識或醫生回答, 謝謝!

更新1:

whitebloodfish : 聽你既講法, 你會讚成開刀既醫生既講法, 抽組織小朋友有可能未訓就抽聽落好恐怖, 按實佢來抽有可能抽得到嗎, 佢都會郁, 咁咪好大機會整傷, 我仲想問就係想問你呢個醫生講既野可信嗎? "但我問佢點解佢半年內的淋巴核無細過返而大左, 佢就話佢係咪半年內無病過呢, 佢仲話有時小朋友有細入侵左未必會發病, 但係淋巴核已經工作左, 所以會大, 佢仲話淋巴要大既話3幾日就已經大, 但如果要佢細就要好長既時間, 話小朋友好多時都會淋巴核發達的, 因為小朋友多病痛, 要佢地大約7-8歲無咩病痛時的淋巴先會細好多"

更新2:

"好多時都係小朋友等咗好耐仲沒訓覺就要做抽針" <~ 真係好得人驚人!仲要係有機會抽到太少組織就咩都驗得唔確定, 仲有就係如果切左一粒淋巴核出黎會對身體係咪未咁好呢, 真係好擔心~~~

更新3:

我仲問下點樣為之唔細返大呢?如果佢食左葯個size同而家一樣, 但係又無大到既話, 我又應該點做呢, 肺炎有咩徵狀呢? 小兒並無咳嗽, 咁代唔代表佢無肺炎呢?

更新4:

whitebloodfish : 首先醫生無話大左幾多, 只是話大左, 咁我而家係咪應該等食曬葯之後再去開刀個醫生到覆診呢?

回答 (5)

sean c

2008-04-21 5:27 am

✔ 最佳答案

首先有兩位醫生都話佢唔似係的衰野，咁你都不妨觀察吓先，如果食過藥size不細反大就要留意。主要擔心兩樣嘢，a,發炎（有可能是肺結核，咁樣的話，一般的抗生素不一定有效）b,衰嘢。
第二，關於抽針檢查，醫生會俾安眠藥，到時要早D俾小朋友服食，讓他安睡。好多時都係小朋友等咗好耐仲沒訓覺就要做抽針，要按實佢來抽。這都不是問題，因為只是不足一分鐘。最大的問題是如果報告是不確定，或只說見不到衰野，你都唔知如何是好！因為如果有衰嘢的確有機會抽唔中或因含量少不能確診。
第三，開刀拎佢出黎比較穩陣，因為一定可以有足夠細胞做齊各種測試來確診，而且是打咗麻醉，小朋友不必受苦。
第四，無論抽針還是開刀，要提醒醫生同時用一部份細胞做肺結核細菌培養的化驗。因為這也是最快而準的確定有沒有肺結核的方法。

2008-04-20 21:34:41 補充：
第五，小朋友有病做父母的當然擔心，不過也不要因為怕小朋友受苦而太彷徨。病向淺中醫，他先受小小苦是為了減低以後更大的苦，這樣想就好過一點。

2008-04-21 00:14:33 補充：
就算食咗安眠藥訓著，有針吉都會醒啦。熟手的醫生會好快手同好準，唔會整傷小朋友，加上有人禁住，小朋友頸部唔會郁。好多抽完俾粒糖糖就無事了。

兩位醫生的話都可信，似是發炎的情況多D。如果有事，個小朋友該發咗病唔會行得、玩得、食得、訓得、仲頑皮到不得了、面色仲好好添......你話半年來仲大咗，問題是他的淋巴本來有多大（size ? mm)，目前比半年前大咗幾多（size ? mm)?

就算真的要切一粒淋巴出來，對他無咩影響。一D影響都無。

肺炎會有時發燒，肺的分泌不正常，用聽筒可聽到呼吸聲音不清，咳，有痰等等。不過若是肺結核，未必有齊以上的症狀，好多時無症狀，只有淋巴腫大。

👍 0 👎 0

siu

2008-04-21 11:51 pm

我知道趙長成好勁, 但佢都好趕時間咁, 而我就睇左趙祟就 + 楊澤銘

👍 0 👎 0

卿卿

2008-04-21 10:37 pm

你最好能夠帶兒子和報告去看佐敦嘉賓大廈709室趙長成兒科醫生,佢好有經驗.

👍 0 👎 0

CyC

2008-04-21 3:58 am

首先, 我唔係醫生, 2x歲 . 但係我亦係頸上有多粒淋巴核一個月, 剛剛做抽針化驗....希望可以share我d經驗比你.

我2個星期前抽左針, 需時大約15分鐘.

1) 超聲波 (冇痛) 我訓左係超星波機隔離張床到, 個醫生比左d類似cream 既野茶落我兩邊頸, 然後就用超聲波在我條頸掃, 係個screen會見到你d淋巴核及甲狀腺... 佢首先檢查我既甲狀腺, 然後一個一個禁檢查我既淋巴核, 影相(淋巴核)及度大小

2) 抽針 (有dd痛, 我都以為有痳醉, but醫生冇, 可能我已是成人??) 在超聲波影像既幫助下, 醫生用左一支小針 (真係抽血果d禁上下)吉左落我其中一粒淋巴核到...(唔痛...似針吉左一下)...然後佢睇睇個超聲波screen, 話ok. 就開始抽啦...e度係整個過程最唔舒服既...大約20秒到.

我唔係醫生, 我唔敢比你任何comment, 如果閣下擔心而醫生亦suggest, 係check 一 check穩陣d...我係一個怕痛既人, 但係都冇覺好痛. 其實做左有個心安, touch wood 講有野都可以盡快知...take it easy and your kid will be fine.

參考: my expeience

👍 0 👎 0

Tiffany

2008-04-21 3:05 am

我個人就應為2歲的小朋友做抽針化驗的話，實在唔係太好，因為佢始终都係細個，而且風險相對都會較高，不如你自己考慮下丫!!!
希望我的意見可以幫到你啦!!!

參考: 我係就讀醫學系的,信我吧~~~

👍 0 👎 0

收錄日期: 2021-04-18 15:15:42
原文連結 [永久失效]:
https://hk.answers.yahoo.com/question/index?qid=20080420000051KK02427

檢視 Wayback Machine 備份