我的自動波車只有P R N D 2 L 波

個人經驗...

一般自動波車四前速會多D，以前年代98%以上自動波車基本上全部係四前速，當然一樣有五前速自動波，不過會係車價相對高好多果D先有五前速自動波，近年就多左好多五前速自動波車

1) 波段2係當由較高轉數(如 4波/3波) 拖低一個波段..例如4波轉3波或3波轉2波，而L波一般都會係手動波之中叫1波的，一般上斜或負重而又覺架車唔夠力就會D波落2，仲係唔夠力就要再落L，你可以搵機會架車負重又上斜時嘗試下就明白

2)一般行車80km或任何車速下當然可以轉N波，不過N波意思等同空波(離合器沒入任何波段)，咁你應該明白是什麼意思吧，入左空波(N波)等架車自己空轉滑行，架車只會不斷慢下來，之後未又要轉回D波再行過，我就一定唔會咁做，原因好簡單，危險...同之後再轉回D波加速仲浪費電油同行車時快時慢，相比一直平均比油做巡航行車更浪費電油

3) 如果紅綠燈前，又塞車時真係停定左架車又唔會馬上開番再行我就會D波轉空波(N波)等架車唔使一直入住波又唔行得，當然腳就一定會輕踏制動防止溜後，當然個個人開車唔同，睇你自己想唔想

4) 落斜時入N波等佢自己滑落我一定唔會，十分十分危險，如果有任何突發問題要加速，轉向，當時只係空轉緊，誰知道架車可以百分百受控或你會仲記得馬上轉回D檔加速離開潛在危險呢...........

5) 一般人叫 OD檔係叫超比波，OD on意思係當架車轉數一足夠就馬上轉上更高一個波檔，行車時更順，更靜同慳油，而OD off就同保持高轉數先轉波意思相似，當然架車行車時就更有動感同好力，電油就當然使大好多....睇你要求咩啦....

2008-04-22 00:05:21 補充：
標板上面 O/D off 燈著左意思係沒有開啟OD波...行車時就會更有動感同好力... 咁當然係無咁慳油

一...至於2波同L波真係唔知用黎做乜------等如棍波的2波同1波
二...以及當我以高速(80km)行走中... 我可以入N波嗎?等距自己滑去前面?------可以
三...好多時好多車... 我係咪要轉D又轉N-----可以
四...落斜時... 可否只入N波等距自己滑落去-----可以,不過空波滑行因無摟力會好危險,少試為妙