我想要獎門人中的宇宙無敵閂大閘的玩法

當然可以做集體遊戲, 其實呢個遊戲只係傳統遊戲"有口難言"的新版,
加埋可以用說話提示.


我做過玩者, 亦做過攪手, 簡單亦好玩.

但就好難做到好似無線咁落大閘,
通常只會計時間就算.
若果真係要, 可考慮用禮堂的幕, 用人手將其落下.


準備工作:
主持人/工作人員準備大量題目, 顯示方式可以係:
1. 用畫紙寫上題目, 每張紙一張, 可底面兩用 (環保).
2. 若場地許可, 可以用投射器配合透明膠或電腦.


分n組, 每組派一至兩人負責睇題目同做/講提示俾同組隊員估,
估中一題可得一分, 可以棄權, 跳下一題.
主持人/工作人員要留意會唔會講提示用左題目的任何一個字,或者做口型.

每組輪住玩, 最高分(估中最多題)的勝.