可唔可以幫我睇睇成績呀? 揀科...

我覺得你該揀理科,
因為你係數學方面較為出息
理科也要修讀數學,生物,化學,物理
你係呢幾科都係最好的
所以應該揀理科哦!

唔同意。
我覺得興趣最緊要!!!!!
如果你對個科無興趣,咁你愈讀只會愈灰!!!!
我個時揀理科都係睇自己既興趣,別人既講法無咩用,都係要靠自己。
我d屋企人個陣狂叫我揀文科,但係我無聽,因為我知道自己對理科興趣大。

單單從你的分數其實好難幫你判斷
因為可能幾十分已經係全班最高...又或者七十幾都依然係最低分果個

我的意見係

如果你想揀文科
咁你要諗的係自己文筆好唔好
組織能力高唔高....文科科目例如HISTORY
比分的時候好講IMPRESSION同埋量
佢唔會有張MARK SHEET話答中咩POINT有幾多分
咁所以文筆唔好就會好輸洩
寫字慢的人都會好輸洩....(因為識得睇質的MARKER少過識得睇量)
同埋要有心理準備真係要記好多野

如果揀文商....首先問下自己有無小聰明
根據經驗,身邊的人如果係屬於有小聰明的人
讀商科多數都無咩問題....但係如果係靠後天勤奮的類別
我識的多數都讀得唔係太好...因為唔明就點努力都無用

如果揀理科....請諗下而家你讀的時候
究竟係要死讀爛讀靠記靠做練習先考得好
定一或係靠明白理論,能融滙貫通,唔係靠死記而讀得好?
如果係前者就唔建議你揀理科
因為眼見好多人上到去完全理解唔到
讀得極為吃力都未必可以得到好成積
咁所以如果係靠記而唔係靠明的話
真係唔好揀....如果唔係你一定會後悔

其實最後做決定都係你自己
只有你自己先最清楚自己的能力
唔好傻傻的相信揀自己中意的科目就可以
興趣唔能夠當飯食....唔好相信有熱誠就可以克服所有問題
最重要係睇自己的能力O係邊度
數學好的話就揀理科或者商
文筆好先至好揀文(仲要組織能力唔叉)
諗下自己讀邊D科目係最輕鬆可以付出最少都有最大回報
咁果D就係你的强項你就應該要揀果D科來讀
要記住揀科係為左更遠的未來
為左發揮自己最大的能力考取更好成積入大學
所以嗎....睇自己能力係最重要
希望我的意見幫到你啦

2008-04-21 17:32:33 補充：
能力真係比興趣更重要
除非你係一個極之感性致喪失理智的人
會極度厭惡某科而完全放棄混混愕愕過日
否則都係建議你睇能力做決定
眼見身邊好多人單純為興趣揀科
最終發現自己完全無能力讀
結果考得極叉....即使過到關的佢地最終都係要轉科收場
再講....熱誠係咪真係大到唔會比挫敗感磨滅?呢D例子實在少之有少
要記住選科唔係為左讀果科而係為左考果一科
有興趣大可以課餘時間自己買本書來學習
唔一定要揀果一科來修....要搞清楚選科係為左咩野
現實點講句....求學真係求分數...尤其是去到呢個階段
除非你覺得入唔入大學無咩所謂...最緊要學得開心
如果唔係.....最好就考慮清楚自己的能力O係邊度
否則最終只會賠上自己的前途

你興趣係咩先?
整體黎講你d成績都幾好~
最好諗埋f6想讀咩科啦..
有人話讀理第日轉文商容易d..

我想你選文科好了=.=!你中文和英文都ok勁!你中史,地理都強,玩文科的話,好多人都不是你的對手,再加上選得文科的人係沒得選先入,所以,你在文科裹得到好成績好容易,因為對手很多都很弱,而且依家係用百分比來評級,而不是用分數來評級,如果你保持你依家的成續的話,中史和地理的會考分數一定是坐硬b!你選理科都是不錯的選擇,但是如果你修理科的話,物理就要注意多一點了,而且中英兩科一定會差很多!而修文科令中英差的距離就少d!我建議你就文科,但係你咁樣的成績選咩科都有作為,你自己作最後決定吧!