我最近對幫我整頭髮的髮型師有好感...
我知道, 我地都談不上叫朋友...
好可能係佢眼中, 我係一個客人, 佢幫我整過兩次頭髮. 而且仲要係唔認得我果種.......
但我就偏偏好想認識佢, 好想了解多d 佢. 係第二次搵佢果時, 我同佢多左好多野講, 我有主動同佢講野, 問一d, 提起佢興趣的話題eg 佢之前係邊區做, 佢又真的好似源源不絕咁, 我又會撩佢講其他野, 佢本身係一個內向的男仔~ 我好想令佢深刻d, 點樣比佢知道我對佢有好感呢？ 但係我地的話題, 都係涉及好表面的野...例如, 佢會問, 我做咩工作, 係邊度返工......我有問佢, 關於髮型的野, 之前係邊度做開......或者再深入d 問呢d 話題......
我上個week 見完佢, 就一直都諗住佢.....
ps 我係做緊野的, 二十多歲, 都唔係d 小妹妹啦~~~ 可以點樣令佢feel 到我開始對佢有感覺呢？ 同埋有無方法可以進一步發展？或者了解佢多一點呢？
對一個男仔有好感, 想進一步了解佢
2008-04-20 7:49 am
回答 (3)
2008-04-23 9:03 pm
✔ 最佳答案
我都試過好似你咁鐘意左個髮型師, 我試過有一次剪完頭髮之後打去髮型室搵佢同佢講話唔見左隻耳環叫佢幫我搵下, 仲借d意留埋電話no比佢,叫佢搵唔搵到都覆電話比我, 最後佢當然有覆到我啦, 之後每次我去剪髮佢都係咁同我講野, 有一次仲係我剪完頭髮走之後send sms比我叫我send首歌比佢, 就係咁我地就開始出街lu, 後來佢講番佢feel到我都有d鐘意佢, 佢先會主動, 但係最後我都接受佢, 但到而家我仲係搵佢剪頭髮, 而且佢仲依然對我好好添~你可以試下我呢個方法, 但有樣野你要知道你只可以每次去剪頭髮先可以見到佢, 你邊剪得咁多吖, 所以你要把握每次去剪頭髮既機會同佢講多d野, 但係希望你明白一樣野, 髮型師多數每星期只有一日假放, 每天返工都要返到成九點幾, 如果你真係同佢拍拖的話, 佢好可能無咩時間陪到你, 你接受到嗎?
2008-04-23 13:05:15 補充：
打漏左..... 我都無接受佢~
2008-04-20 9:00 am
打俾佢是一個好方法，但最重要是先耐心了解他，因為青春有限而且要和他好便要了解他喜歡什麼類型的女孩子(可能他已有女朋友也不定)。如果不適合自己又或對方已有女朋友就不要再想了，因為這會大大降低自己的人格和尊嚴。加油啦！當了解了，妳便會知道如何表示了。
2008-04-20 7:56 am
你可以多d去佢鋪頭剪頭髮;;或者可以借d意話:我甘岩路過呢到;買左dxx(食物之類既野);請你食當吾該你幫我剪頭髮 呢d甘;或者你可以讚佢剪頭髮技術一流;比佢電話你;一剪頭髮就可以搵佢;交互一下電話;甘咪可以拎到佢電話囉^^!如果係佢得閒既時間;打電話比佢搵佢傾下計刀0k既
收錄日期: 2021-04-13 19:44:14
原文連結 [永久失效]:
https://hk.answers.yahoo.com/question/index?qid=20080419000051KK03976