✔ 最佳答案
照你咁講, 最起碼知道佢唔係討厭你囉！
不過，我諗十個男仔，有八個都唔會抗拒一個女仔咁樣咁佢，只要你唔係醜到佢接受唔到。
如果你真係想知你地算咩？我覺得你最好自己向佢問清楚！因為最清楚你地係咩關係o個個始終係佢。
或者你會驚問左佢之後，佢話只當你係朋友，你會從此失去呢條曖昧既甜密關係，但係甜密既曖昧係唔會永久，時間耐左，你會因為相方既關係唔實在而更加唔開心！
最後，想你自己諗清楚一個好重要既問題，你識左佢一個月，就咁主動，你會唔會覺得快左d呢？個男仔會唔會覺得你好開放？另外，你清楚佢為人嘛？你清楚佢背景嘛？佢人品好唔好？等等
或者係現今社會黎睇，識一個月就開始唔係咩大問題，不過最後蝕底既都係女仔。
俾你2個見意：
1. 同佢做返普通朋友先，睇清楚佢係咪值得你同佢再進一步發展
2. 同佢傾清楚，佢當你係咩？
2008-04-20 12:27:05 補充：
傻妹，佢叫你挨佢膊頭，你就挨？
不過如果你已經諗清楚，你真係想同佢一齊，我提議你下次佢叫你挨佢膊頭既時候，你問佢點解？大家係咩關係？做乜要挨佢膊頭咁曖昧？
如果佢主動叫你挨佢膊頭，我唔覺得佢係怕醜仔，因而唔敢叫你做佢女朋友...
佢大你四年，好可能佢覺得你係小妹妹一個，叫你做乜就做~ 唔敢拒絕佢既要求！
可能係我諗得複雜左，但係總之你自己小心d啦~ 千奇唔好俾自己幻想得好甜蜜既愛情而蒙蔽。當局者迷，局外者清，希望你可以係唔同角度睇清楚，百利而無一害。
