為什麼以前女教徒要戴頭紗望彌撒?

女仔戴頭紗好似係西方習俗. 只不過係式樣, 唔係好似領洗既白衣咁有意思, 如果唔係, d 男仔都要戴番樣野至得. 而家女仔著西裙都好少戴帽或戴頭紗, 偶然都會見既, 咪只限於著婚紗會有頭紗咁. 正如而家唔係好興著旗袍, 而家d人唔興帶頭紗咁啫.
在下年紀尚小時, 彌撒念天主經係唔會好似猶太人咁舉手祈禱, 或者拖住隔離個位既手. 互祝平安只限點頭, 唔會握手. 祝聖聖體時就一定要跪.
相信除左本彌撒經書上要念既經文, 冇其他野係規定既, 係可以照當地既風土民情同地點既限制而調整. 包括戴頭紗都冇規定, 亦冇話幾時取消. 有時兒童彌撒, 聖祭禮儀時小朋友會圍個圈圍住祭台. 某d聖堂既祭台係擺係禮堂中心, 而唔係禮堂既舞台上. 好高興今時今日教友比較開放, 互祝平安可以握手, 親切好多. 仲有時一家人相擁, 夫婦親吻一下都多左見到. 但依然有相對保守既堂區, 輔祭只可以男仔做. 相信呢個一定唔係教會規定, 係教友自發性既表現.