我想領養兔兔..

歡迎你打算成為兔主人一族,不過你領養前最好能考慮幾伴事情:
1.你家有四百呎,你本身已經有竉物,你仍有時間照顧兔兔嗎?因為兔兔雖然很乾淨,不過佢地都需要好多嘅時間黎照顧,例如佢地d便便,尿尿,你要抽到時間整理,還有是佢地要好多時間學習去廁所,係佢地未識坐上廁所便便時,你都要花時間打理.....
2.如果想兔兔健康成長,佢地每天最好能比三兩小時比佢出黎跑下步.不過假如你唸住佢成日都要係籠入面,佢地會好憂鬱呀...好易有病.
3.有個網友最近係知識度問,佢嘅父母好唔鍾意兔兔,成日講佢有陣臭味,不斷施壓比個兔主人,令佢好唔開心,你要參考下呢位網友嘅經驗,家人同意和支持你養兔兔嗎?
領養一般唔包用品,不過如果你真係想養,我知有d地方買竉物用品超平,比如10蚊店,吉之島的10蚊店最平,兔兔的疏子,食品碟都係10蚊就得.不過籠就最貴.250左右,如果想平d,旺角d店舖似乎比較便宜囉.
有時間上保護遺棄動物協會個網頁哪.我開始養兔兔都係睇佢地d資料,唔錯呀...
你搵多d資料,咁養嘅時候會容易打理d,兔兔有佢地獨特嘅性格,唔似狗狗咁嘅,你了解多d,養嘅時間就會掌握得更好.

可以查出買兔的的地方

你要養兔兔，首先要有耐性第二,你要肯定你唔會遺棄佢...............................................

幾位網友都講出左重點
我加多樣先~

其實400呎都唔算太細
只係你屋企環境會唔會好亂?
因為兔仔好鍾意亂咬野
電線、紙、木、膠袋等等
基本上咩都咬~
又鍾意"捐O捐la"
你放佢出黎玩時真係要一眼關七
仲要執好晒個地方先
唔係咬爛野比屋企人鬧就弊!!
呢方面你最好要有認知~

地方大小其實冇咩問題！　最重要係你有冇足夠時間照顧佢，大約２日就要換一次木康，仲有定時餵糧，放佢出黎跑下咁！！

其實養兔仔都真係幾貴，特別係寵，but平既都有我之前都買左一個後備寵都係＄１０８～不過仲有兔仔個尿兜呀 貓沙 木康 糧等等!! 我岩岩養個時都買左成千蚊野!!

聽說兔協領養手續都幾繁複!! D用品係要自己買的!! 同埋 照顧兔仔同倉鼠好唔同，因為我屋企都有養緊倉鼠同兔仔！　最後　養之前諗清楚自己係咪真係可以照顧到佢　仲有　屋企人鐘唔鍾意* 因為兔仔都幾大味 特別係夏天!! 如果真係養上網睇多D人地既經驗對你有好大幫助!!

400尺 is not a problem, 公屋 is. They won't let you adopt one.