關如買護膚品....

首先, 要讚一讚妳, 妳咁後生已經明白到開始保養肌膚的重要性! 叻女 ^^

如果妳不確定自己屬於那一類型的肌膚, 我建議妳嘗試去護膚專櫃搵番美容顧問幫妳做番個皮膚測試, 例如 Fancl House, 資生堂(Shiseido), IPSA 等都是免費的 (千祈不要去 H2O , 一面幫妳 check 皮膚, 一面問埋d 私人問題, 仲好 hard sell, 話o左無興趣都仲要煩住晒; 就算最後堅決不買, 佢地 d 女仔即刻黑面, 當妳乞丐咁連 bye bye 都唔講, 勁差 -0-)

妳話" 有時我額頭同鼻好油.有時就冇咩油", 皮膚出油未必係油性肌膚, 都會係肌膚缺水的症狀, 所以會標油去保護肌膚 (美容雜誌及美容顧問都係咁講); 再加上香港的春天是潮濕, 所以大多數女仔(包括我)塊面都是屬於混合性肌膚 (T 位油, 兩邊面乾)。

有些女性網站會教人點去分辨自己的肌膚類型, 只需花數分鐘完成一份問卷調查, 好似呢一個網站:

http://www.beautynhealth.com.hk/ch/analysis/skin/index.html


莎莎 (www.sasa.com.hk) 就有個 column 叫做 "皮膚分析"

http://web2.sasa.com/SasaWeb/tch/bmi/beauty_tips.jsp


當妳知道自己的肌膚類型, 妳就要著手購買基本護膚品了 :)

早上及晚上塗的護膚品大致相同, 除了早上必須要塗 防曬霜( 晚上則可免)

護膚程序:

早: 洗面 ---> 搽爽膚水 ---> 眼霜/眼部 ---> 保濕精華素 ---> 保濕面霜 ---> 防曬霜 (如果 T-zone 容易出油, 可以局部使用控油精華)

晚: 卸妝 (無論有冇化妝, 搽了防曬霜就要卸妝) ---> 洗面搽爽膚水 ---> 眼霜/眼部 ---> 保濕精華素 ---> 保濕面霜 (記得搽落少少去埋條頸度, 頸部都要護理哦)

每星期特別護理:

磨砂膏 (一星期兩次 for 油/混合性肌膚, T-zone 就捽耐d, 但是暗瘡位置就要避開)

深層潔淨面膜 (一星期兩次 for 油/混合性肌膚)

保濕/美白面膜 (一星期最少兩次, 紙面膜方便好多哦)

眼膜 (一星期最少兩次)

注意:

每次不可敷超過兩款面膜, 因為一來會刺激肌膚, 二來肌膚根本吸收不到咁多養分

面膜最好不要日日敷, 隔日敷都ok

無論產品標榜"適合任何肌膚使用", 但是當妳使用時或使用後見肌膚又紅又腫又痛, 就必須即刻停用, 以免肌膚受到傷害。

那一隻牌子的護膚品適合妳呢? 由於妳仲係學生, 無收入, 只有來自父母的零用錢, 所以太貴的護膚產品就不太適合妳了, 例如 SKII, Lancome 同埋 Estee Lauder 等。

如果讓我為妳選擇, 我會提議 Neutrogena。 原因是產品種類繁多, 分為控油﹑保濕﹑美白﹑暗瘡﹑抗衰老等, 必定有一款適合妳; 而且此品牌有口碑, 大廠出品, 價錢大眾化, 銷售點多(萬寧, 百佳都有售, 無sales 跟妳住妳 hard sell)

Neutrogena 某些產品在莎莎網址有售, 有晒產品名稱, 功效, 售價及容量, 睇定才去店舖買

第二個品牌我推介 Fancl House (http://www.fancl-hk.com/), 價錢偏貴, 但品質及服務有保證, 妳買得會放心些; DHC (http://www.dhc.com.hk/) 優點不需多提, 妳去專門店逛一圈妳就明白我的意思了; Sofina (它的防曬霜最出名, 用過必定會愛上, 因為我就係佢的 die-hard fans, 一直都用緊佢)

俾個小小tips妳啦, 好多人都會售賣未開封過的試用裝, 好似 Yahoo 拍賣場及 ebay咁, 妳可以先睇下有冇試用裝, 試後覺得好, 才去買貨裝產品, 避免買下一大堆不合用的護膚品。

Yahoo 拍賣場: http://hk.auctions.yahoo.com/

ebay: http://www.ebay.com.hk/


切記不要盡信廣告, 真係要自己去試用, 就算身邊的朋友及家人覺得某些護膚品好好用, 但是要知道每個人的肌膚問題都不相同, 所以保持中立態度, 自己試用過真係覺得有效才買, 咁才算精明 =]


希望妳搵到適合妳的護膚產品, 肌膚變得靚靚而引來其他人的艷羨目光吧 ^0^

Be always pretty ~0~

乾性，mix skin! On nose

你仲細,唔需要咁早搽護膚品,用保濕面霜就夠喇.
去彩豐行買喇,有隻微粒體GEL面霜,幾好用架,
你試下喇.