✔ 最佳答案
我見你個名係小煜...
希望你唔係因為想追星而考慮去台灣升學，
因為升學係會影響你一生的，請三思才好。
1. 如果你係係香港完成中六至去考，咁機會應該係零。因為高中聯考真係唔易考，人地由高一(中四)開始準備，而且香港和台灣的課程又唔同。除非你係而家就過去，係台灣升高中。
2. 國立大學文科的話二萬幾至三萬幾台幣一年，即港幣五千至七千幾左右。醫科都係四萬幾，即港幣一萬左右。如果係私立，約四萬至六萬左右，即港幣萬幾左右。香港一年大學學費就要四萬幾，台灣就算係私立都比香港平很多。而且香港是統一收費，你讀文科的話都係會charge你咁貴...
3,4. 可以的。但係我唔記得好似要15定16歲先可以工讀，本地大學生找工讀就好容易，同埋台灣學費同生活費都平過香港，僑委會對清寒僑生都會有資助，如果你真係過到去讀大學的話不需要太擔心呢一點。
5. 如果好平的話我買過$1100連稅來回，旺季的話會升到$2000，平日通常$1400-1500左右。
6. 唔係，如果你考完會考，中六先去考聯招考試而又考得上的話，就唔駛讀先修班。但如果唔合格or沒有學校收，就會被撥入先修班。
7. 去台灣讀書係有讀書簽證可以申請的，但你讀完而又係當地搵唔到工的話，係唔可以留係台灣的。而且份工好似有人工限制，我唔記得好似係月薪唔可以低過$36000台幣。
8,9. 係，係台北公館。台大係台灣NO.1的大學，如果入到當然非常好，但係要入就相對地好難。你最好唔好抱太大希望，因為根據我既經驗，近年都比較少香港僑生直接考到台大比較出名的系，比如外文。多數係入左哲學、農業、圖資、昆蟲這一類相對來說比較冷門的系。唔係話這些系唔好，而係畢業之後會比較難搵到相關既工作，尤其係返黎香港。香港的學生，比較大比例入既係私立大學，而私立的NO.1係輔仁，都係一間不錯的大學，而且佢同國外好多大學有聯繫，如果考慮日後會再到海外留學，會比較方便。
我估三三四後海聯既政策應該會有調整，但你而家先中二，問呢個問題係早左D，亦唔會有人答到你住。其實要過台灣升學的最直接方法仍然係直接考僑生聯招，同埋台灣的大學如果要插班係要考「轉學考」的，就算你已經有香港的大學收，不一定就可以考上。反而你係香港讀完大學，再用僑生身份申請去台灣讀研究所會比較容易。至於朋友既問題，你地可以試吓填志願時填一樣既學校既，不過都唔代表最後一定會分發到同一間。其實到時都已經要入U了，大個了，有沒有朋友在身邊都唔會重要過前途的問題吧？
2008-04-19 14:51:55 補充：
1,3. 如果你打算讀先修班的話中五就可以去讀，如果在先修班成績過得去多數都能升到大學。
2. 請自行到海聯的網頁查看(
http://www.overseas.ncnu.edu.tw/)，台灣有很多大學，學系也比香港豐富很多。
4. 如果以比較大路的學系(如語文)來說就係。
2008-04-19 14:53:18 補充：
5. 以集中度來說，台北的學校普遍比其他地方好，著名的台大、政大、師大都在台北，交大和清大在新竹，也沒有離台北太遠。私立方面，輔仁、東吳、淡江三所著名學府都在台北。新聞系起家的世新、小煜阿本的銘傳也在台北，以法商比較出名。多數僑生揀大學都會鎖定台北，因為台北比較方便，生活節奏也和香港相近。
