搵工百佳職位一問?有前途?月薪達10000

唔係質疑你朋友既誠信，但係如果OT係$40一個鐘的話，佢人工至少係有9360先得喎。
我媽係百佳做左16年，做左一年零幾個月已經升左上去做部門主管，佢唔計勤工都係過萬多DD。
仲要喎，我媽既人工已經係全間鋪除左經理之外，最高人工個個喎，我聽我媽D同事講(唔同鋪既)，佢地最高人工個個，人工都得萬三咋喎，但佢已經係做左廿幾年。
同埋有一樣野，今時今日百佳全職收銀個入職起薪點係絕對無九千，因為我媽之前介紹過個親戚去做part-time，佢岩岩轉左全職，我口痕問我媽個個親戚幾錢人工，佢都好似話得七定八千。
當然，你朋友可能起薪點比一般人高都唔出奇。 佢入職時唔係入職收銀，而係入職間鋪做電腦個個位，個個位係會特別高人工d，但個個位係唔會埋數既。
但幾樣野，人做9個鐘，佢做8個鐘，就算其他人再鐘意佢都好，點都會有怨言卦，糧就出夠，時間就做少D，你做佢同事你條氣順順先?
仲有，part-time轉職，都係由1仔做起，1仔升2仔，要去考試，2仔升3仔都要去考試(升大家姐反而好似唔駛考)，但半年升到上去3仔已經無咩可能，因為就當俾佢全部一次過pass，但間鋪肯提名俾佢上去考試，公司都唔會批。
因為我媽之前提過個下屬去考2仔，佢考到之後，都唔係即刻可以再提名考3仔。
大家姐再升的確係見習經理，仲要係間鋪提左名上去俾佢升見習經理，佢都仲要去寫字樓見同埋考的。
不過，不論你朋友講真定講假都好，我識我媽好多同事，後生同老既都有，但結論都係... ...人工唔高，但做又半死。