我想買聚康山莊、豫豐花園 唔知那裡好

個人意見:

豫豐花園---交通唔方便,實用率低,原裝用料一般,四周購物配套不足.勝在會所夠大夠新夠多野玩,而且戶戶有露台.最近平均呎價都要去到$2600左右,我個人就覺得貴o左少少.

仲有一樣要留意,豫豐花園係有第2期,即係而家鐵皮屋左右的位置,到時向此方向一定會被遮擋景觀.

聚康山莊---交通好過豫豐少少,不過都係麻麻,間隔比豫豐實用,部分單位有露台.新鴻基樓,用料唔錯,不過會所比較細,無乜野玩.買野比豫豐方便,起碼隔離有個富泰村,食野及行街市都有地方.

呎價就合理啦,最近平均都係$2600左右.

啟豐園---樓齡大( 16年 ),無乜設施,但間隔都ok實用,而且好多海景單位,交通及購物配套好過藍地( 豫豐 )及虎地( 聚康 )好多,搭車及買野都方便.最近平均呎價$2400左右.

不過,啟豐園過多幾年都已經成20年樓,要有心理準備可能要預一筆錢作大廈維修,與及買入單位時要預一筆裝修費.

俾我個人揀,我會選擇啟豐園,起碼交通買野方便好多.

但如果你係鍾意新樓又鍾意玩會所設施的話,就選擇豫豐啦.

聚康就剛剛在中間位置,喜歡與否見仁見智.

我覺得聚康山莊會好d ,附近話哂都有富泰商場,又有倚嶺等,搭車又方便d
豫豐就好似叔埋左係妙法寺後面咁
屯門碼頭就最好,衣食住行都方便,但樓齡高