(20分!!!)唔識表白,唔識追女仔,唔知點算,俾d意見我!!!

我在一間診所結識左一位治療師,我數天便會到診所治療,次次都會見到她,她會為我治療.

其實,我都唔知我倆算不算"結識",因為我從來只會以"你"來稱呼她,即使我係知道她的英文名的.....而她大概因工作關係,所以會叫我全名.
我倆除了會談及我的病情外(只會是數句),便沒有其他話題,而且她很忙,不會在我身邊很久的......

或者因為她很細心和友善,我對她漸漸產生左好感,還有點暗器戀她的感覺....我一方面想我的病快些痊癒,但另一方面又怕痊癒後會從此見不到她,所以有些矛盾呢.

我發覺她對我有一點點怕羞,不太敢正視我的,但這又可能係我一廂情願的感覺,所以我都唔知她會唔會也對我有好感.更可能的是,她根本只視我為一個普通的病人罷了......

現在,我唔知好唔好向她表白,因為我實在有太多疑惑了,例如:

1)她當我什麼?
2)做得治療師收入應該都不錯,而我只是個月入低微的打工仔
3)她是大學生,我只係中五畢業
4)我係個悶人,放工便回家,係一個好out的人,至於她,我不清楚
5)她有沒有男朋友?
6)我倆可能係兩個世界的人,她在天,我在地,根本風馬牛不相及,同一興趣可能都沒有,也可能會沒有話題

老實講,我今年28歲(我估她細我3-4年),10年未掂過女仔隻手,毫無追女仔的經驗.我想問,

1)我宜家應該點做?
2)是否應問她攞msn,電話,但怎開口問?好似好唐突咁!!
3)或者厚住臉皮直接問她:"我可唔可以約你去街吖?"得就得,唔得就以後扮傻仔

點呀???有無人可俾d意見我呀???
唔該各位!!!