坐骨神經(”腰4”,”腰5”)受傷,拉腰,針灸電療,打類固醇針哪樣較好?

我都有同你同一問題->坐骨神經痛~
我都照過MRI發現L4L5及L5S1突出，正確學名係椎間盤突出
我已經醫左一年半，未斷尾不特止，年初時仲翻發過

西藥、中藥、正骨、針炙、拉腰(牽引)、電療等等都試過
係無做手術同打類固醇針唧
因為聽講手術未必百份百無事，而且仲比之前更易翻發
而打類固醇針雖不至於會骨骷(只要唔係常打)
但功效唔係好明顯，好多時都唔得

不過我O既情況最近有明顯好轉
一樣我做緊水療，二來我睇左段POST每晚練飛燕
三來睇左個唔錯O既鐵打骨醫
(睇到第六個，雖然未醫好晒，但呢個算最好最好效，而且似乎口碑唔錯，好多人睇。如果要資料請MAIL我)

好，答返你D問題(P.S.我並非任何醫護人員，只係病左好耐搵左唔少資料，對呢個痛症有DD了解)

1)只做拉腰和針灸電療會否痊癒?是否要很長時間?(我都做了差不多三個月了)
的確是好長，物理治療以10次為一個療程，而且效果因人而異，好輕微者可能好快好返，但有人就一直都好唔返，我就係其中一個......

2)打類固醇針有什麼後遺症?
長期使用類固醇係會導致骨枯，但打一次(好似打幾針)就唔會直接變成骨枯，但呢個方法可以話治標唔治本，好大機會無效同埋翻發，如果有保險而又CLAIM得晒都可以試下...

3)我應該繼續拉腰和針灸電療,還是去打類固醇針?
我覺得首先視乎病情，如果腳有麻痺or大小便失禁就最好做手術
否則可以試試中醫or水療。

4)有否其他治療方法?
中醫&水療
中醫唔止針灸，仲有整骨、推拿，有見到d post人地好得返
水療當係物理治療，可以令你無咁痛同埋唔易翻發

仲有，除左最好唔好搬重野外，姿勢要避免傷到條腰
總之非常職安健就係正確姿勢。而且唔好坐SOFA，
軟D O既櫈都唔好坐，要坐直個人，同埋千萬唔好食糯米!!
一食就好唔掂~痛足一個月
亦唔好彎腰洗頭....

唉~總之好多野要注意....祝你早日康復......

2008-04-21 22:18:17 補充：
補充:
2)打類固醇針有什麼後遺症?
O岩O岩諗起有好幾個骨醫(西醫)都唔BUY打類固醇針，佢地話唔信呢套，不過有個OK出名O既醫生叫張劭就建議過我打針。試唔試自己決定~

我都想要鐵打師父資料, 可唔可以俾埋我?

以下祗是經驗分享 :
1)只做拉腰和針灸電療會否痊癒?是否要很長時間?(我都做了差不多三個月了)
a:如果是"腰4腰5"凸出,壓著神經，不將其服位，我相信情況很難好轉，拉腰是其中一個較好方法，其他的效果不大！
2)打類固醇針有什麼後遺症?
ａ：引致骨枯
3)我應該繼續拉腰和針灸電療,還是去打類固醇針?
ａ：拉腰和針灸電療啦！唔好試打類固醇針！
4)有否其他治療方法?
ａ：搵個有口碑嘅物理治療師或有口碑嘅鐵打師傅將其服位啦！（重申一次，係要有口碑！）

其實要我作出回答應該建議你用邊種治療好~
我反而認為你轉工會好D
畢竟你話你GE工作需要搬重物
腰部GE承受力會好大
因此造成你點解好似睇離睇去條腰都無好轉
椎間突出最大成因就係長期受壓 或者突然受好大力量引起
所以我建議你轉工
畢竟呢份工唔可以做一世~但條腰就跟你成世
有咩事 隨時咩都做唔到~
所以希望你認真考慮下!!耐心D治療啦!我覺得拉腰和針灸電療會比類固醇好得多!

PS: 希望你快D好返啦!!