~急!十萬個急!關於決定是否轉工問題**

本人已年近30，大學畢業以來都是無一個固定方向做甚麼工作。全職經驗都有8，9年了。

做過Admin, 政府，社福界，大公司的Project Coordinator，現職生產公司的Marketing，隨政府和現在的工之外，其他都係做一年半載就轉，個resume唔係咁好睇。

而家份工萬二，有雙糧，工時每天約9小時，5天半，7日年假(就黎會加到有8日) ，OT按比例計錢，其實福利就無喇。
返工可以著Casual wear, 由屋企返公司大概用40分鐘。
人事可以話係簡單，office得十零個同事，但就個個都唔係好上心，公司無咩制度，好散，上司對我地無咩大要求，但就成日唔識得分配工作，同管理不善。工作上又成日要同大陸廠既同事溝通，他們成日做唔到我地既要求，做錯貨等。
唔多駛出去見客或主動拉客，但就有時要出trip, 一年有三兩次啦。

老細一路都放風聲話無錢賺，又好想整頓我們，希望我的部門主動一點去跟客，同埋講明一定唔會加人手和加人工，之前有同事自己走，都無留人，當自然流失。

公司亦無位比人升的，所有在上者都係皇親國戚，個個都做左十年以上，亦唔會走人。安於留響度。

但我覺得留響度好頹，無滿足感亦無人欣賞。但另一方面，呢兩年幾三年又習慣左響呢度，怕出面的工好辛苦，有時諗，係咪一動不如一靜呢?

而家最煩就係之前見過出面一份工，在公營機構做Marketing，但工作性質我麻麻地like,因成日要出去見客或合作伙伴，但人工就高而家十幾 percent，同埋係返5日，一年18日大假。無雙糧無OT，每天又係返9小時左右。同事就會有好多，over 100個。

遠就會遠少少，大概要用50分鐘交通啦，要過海。同埋要著得靚d返工。

我有d怕今次轉工會又變得個career好無定向。人地會唔會覺得我做既工好雜呢?

我過兩日就要答覆人地我接唔接受個offer, 唔該大家比下意見我丫。如果其實我都唔係真係咁鍾意份新工，係咪唔應該轉過去住？直至慢慢搵到份好d先呢? 定係有理無理轉左先(果度人工假期好d), 又一路做一路再等其他機會呢? (因為呢輪都keep住有apply工)

你地又覺得我好唔好用而家有既offer同現職公司bargain下，睇下佢會唔會加人工留我呢？如果真係跳草裙舞，又有咩技巧呢。
懇求各位仁兄仁姐指點。