✔ 最佳答案
Option 1: 一個男仔好關心你 你唔開心佢第一個知 (識得耐D)大男人,但e+同識得耐D個男仔感情淡左又有時唔就你
(1) 以妳所講Option 1係一個好細心嘅人,細心嘅人會比較懂得照顧妳。
(2) 細心嘅人好識得觀察他人,佢在乎妳先至會對妳關心、細心、觀察妳多啲、知道妳需要乜嘢、因乜嘢會唔開心等等。
(3) 「有時唔就你」咁妳就真係要諗吓係妳有問題,抑或係佢有問題,有時唔係樣樣嘢都遷就妳就叫做好男人,妳都要知道/分別對與錯。
(4) 如果妳係啲好依賴,好小鳥依人嘅女仔,咁option 1會係妳嘅選擇,就係因為佢大男人,所以妳可以唔駛用腦,總之佢話乜就乜。
(5) 感情會淡嘅話,就即係話大家根本都唔愛對方。
Option 2: 另一個好就你 你嬲佢會好快令你笑番 但好受女仔welcome,相反另一個對你好好 我唔開心唔見左 佢都揾到我 but佢矮過我
(1) 都係嗰句,樣樣都遷就妳未必係好事,最緊要係懂得分辨是非。
(2) 佢好識得氹女仔,所以佢好受女仔歡迎,佢畀到妳嘅安全感會少啲。
(3) 佢好清楚妳,所以「我唔開心唔見左 佢都揾到我」。
(4) 我覺得妳講嗰句「but佢矮過我」係最致命嘅,如果妳真係鍾意佢嘅話,妳根本就唔會介意呢啲嘢囉。
Conclusion: 因為妳根本就唔愛Option 1 & 2,所以佢哋都唔係妳嘅選擇。