髮形(我的臉好長)help plz

我個人認為如果臉長，剪齊陰會幾好，因為排陰會遮咗你差不多半塊面，望落去會短啲，而且個樣都會細個咗！

至於電髮的話，就要睇返你本身啲髮質粗定幼，多定少。如果係少或者幼，又或者兩樣都係，電髮絶對啱。因為這樣會令頭髮望落去多啲。

但這樣又不代表頭髮多或者粗就唔電得髮喎...因為以家的剪髮技術已有很多變化，你可以偷薄，或者剪多啲 layer，咁樣就唔會太厚了。
不過最緊要的都係剪之前，同個髮形師講清楚你想點先，傾掂哂先剪。

其實以你形容，你塊面好長，唔適合留長直髮，或者電鬆佢都係唔錯o既選擇。
不過我覺得中長度的直髮都應該啱你，長度大概到下爬或者再長少少都得，(可參考張韶涵最新果隻碟個髮形，好似碟名叫ANG乜乜咁架)因為面兩旁的直髮係可以遮一遮包包面，但係你臉長又唔可以留太長，所以中長度都可以試下...

以上係本人意見，其實你也可以徴詢一下髮形師意見，話哂佢比較 professional 啲嘛！

仲有，如果你唔係有很大決心要改變的話，千祈唔好一下子電得太爆 or 太曲。因為你睇咗之前個髮形咁耐，咩都習慣哂，唔會覺得怪；但係一下子有太大變化，可能一時間睇唔慣，可能會覺得唔好睇，到時電咗又無得返轉頭架喇......

祝你好運！^.^