原支花旗蔘想拿去煲湯、燉湯前應如何處理？

花旗蔘有幾種處理方法:

1 將原枝花旗蔘磨成粉, 通常係沖水飲, 當平時飲茶咁飲, 年青人去暗瘡, 夜瞓有虛火非常有效. 香港人好少屋企有磨機, 可以擰去藥材鋪比少少錢人地做.

2 切片, 花旗蔘冇人蔘咁硬, 就算用刀切片都可以自已做得到, 當然又係可以擰去藥材鋪代切, 花旗蔘片可以沖水當茶飲, 可以煲湯, 家常便飯可整花旗蔘煲雞, 煲瘦肉, 想補啲就花旗蔘燉雞.

3 原枝落去煲湯, 因為花旗蔘質地唔大硬, 就算原枝煲或燉都唔會唔出味, 記得煲完湯嘅花旗蔘食埋佢, 唔好嘥.

通常原枝花旗蔘可以保存好啲, 所以送禮多數原枝, 但平時自已屋企食; 多數買嗰時叫藥材鋪加工埋. 就算自己切片都好簡單, 通常我地唔駛用蒸嘅方法, 因為加拿大屋企多數有多士焗爐, 只要將花旗蔘放入焗爐仔加熱幾分鐘就可以切片.

我就很簡單 , 像上面個位朋友一樣 , 原支放落去 , 不過你自己就下份量 , 應該約10十條到 .
不過我則用花旗蔘那些碎根來煲湯 , 我家四口人 , 份量半碗到 ,我通常煲花旗參紅蘿蔔節瓜煲廋肉湯

材料: 花旗參半碗 , 廋肉1/2 斤 , 紅蘿蔔節瓜各1-2個, 蜜棗2粒
廋肉洗淨, 備用 , 紅蘿蔔節瓜切開幾份
預適量清水, 放進全部材料 開火, 湯滾, 然後用慢火煲1.5個鐘
加少許鹽調味, 便可飲用

想花旗蔘燉得出味d，當然要切幼佢啦，蒸係一個好方法，因為可以令支蔘變得林d易切d.