倉鼠好似就死，救命

希望網友bryanto_1998可以尊重一下,唔好copy我既回答,我所有回答除提供必要既官方資料外(例如環保署處理動物屍體方法),都係自己親自打出唻,胡亂抄襲又有咩意思呢?咁好易害到人地既鼠,希望大家都可以尊重原創,謝!
抄襲既知識係問鼠鼠濕身既情況同呢條並唔完全一樣,健康問題只要差少少,已經可以影響好大:
http://hk.knowledge.yahoo.com/question?qid=7007120300151

鼠鼠濕左定甩毛其實試下用手會摸得到,patpat濕唔知佢有冇肚濕or便秘既問題?幾時開始濕既?之前有d唔舒服係咩唔舒服?

A.今日天熱都幾熱,可能有中暑既問題,加埋本身既唔舒服,就會令鼠鼠好辛苦,中暑既話就要將鼠鼠拎去涼d既地方,但唔好搵風直吹佢,真係嚴重地唔醒既話,可以俾dd涼既水俾佢,之後盡快睇醫生
脫水及中暑特徵:
1)行得好慢
2)行路趺下趺下
3)身體發抖
4)呼吸困難
5)甚至摸佢都冇反應

大圍珍禽異獸及寵物醫院 DR.TIGER/DR.LAM
Tel: 2687 1030地址:大圍積信街75號地下
http://www.taiwaiexotic.com/
基本診金$290,藥及手術另計

B.令鼠鼠冇咁熱之後,最好就係去睇醫生,始終情況已經好嚴重,唔理佢好易會救唔返,如果唔睇醫生or睇醫生同時可留意以下既事:
1)肚瀉同便秘都會令鼠鼠排泄位置一帶濕既,係肚瀉定便秘應該唔難分,研究鼠鼠既便便,最好就係拎鼠鼠既便便上手咁下,最好係佢排出唻冇耐(過一陣,1分鐘度啦,即摸好易係好林),如果有異常,一定要盡快處理,處理方法可參考以下我回答既知識B,C點:
http://hk.knowledge.yahoo.com/question?qid=7007120300151
2)有第隻鼠既話要分籠,唔係會傳染(鼠鼠本身係獨居動物,冇事都係分籠會對鼠鼠好d)
3)保持周圍既環境衛生
4)太熱既話可以用風徑遠遠地吹住鼠鼠
4)俾一d有營養既野佢食.可以試下俾d麥片or白麵包佢
5)如果鼠鼠唔食野唔飲水,就用手直接餵,都係唔食既話,就要俾d耐性試多d,鼠鼠唔舒服,又會好累咁,係冇咩胃口既
6)如果你或你既家人有感冒,都唔好接觸佢,唔係又會令鼠鼠更加易再受感染.(鼠感冒唔會傳人,唔洗擔心)

好擔心啊! 快帶牠去看醫生, 我看過愛協幾次, 收費都只是百多二百元.
如果bb真係唔得, 試試給牠嗅薄荷葉, 有少許麻醉作用,會令牠去得舒服一點.在植物店可能有得買.

A.外來因素



請先留意水樽出水有冇問題,會唔會有D咩整濕鼠鼠既身體,有野整濕鼠身,好易令鼠鼠感冒,同時都會出現好辛苦既情況



感冒都可以致命,所以最好都係盡快帶你既鼠睇醫生



如果係外來因素既濕身,處理方法



去睇醫生之前or唔會去睇又或未咁快去到既,可以做住以下既野先:



1)用毛巾同鼠鼠抹乾身.



2) 唔好用風筒or風扇吹鼠鼠,都要小心周圍環境會唔會大風or有雨再整到鼠鼠,唔係會仲唔舒服.



3)俾d鼠棉被鼠鼠用,保暖一下,冇既話睇下有冇d冇咩雜質既棉花,都冇既可以試下用乾淨既毛巾頂住先既.當然冇用鼠棉咁好.



4)清理好個籠, 保持周圍既環境衛生



5) 鼠鼠情緒緊張or驚既話,同佢處理好以上問題之後,就唔好打擾佢咁多(當然,去睇醫生唔算打擾啦),唔好嚇親佢.



6)如果冇咩事,可以試下俾d麥片or白麵包佢食,如果佢冇咩郁,就餵佢食野飲水.



7) 如果你或你既家人有感冒,都唔好接觸佢,唔係又會令鼠鼠更加易再受感染.(鼠感冒唔會傳人,唔洗擔心)



8),當然要留意,唔好再令同樣事情發生啦







B.濕尾症



其實主要係因為壓力而做成,例如:轉換環境,去到陌生既地方,受驚,戒奶期等等.科學實驗並未搵出濕尾症既原因,只係知道壓力會令鼠鼠既腸胃受到細菌感染







濕尾症特徵及處理方法:



1)濕尾症同肚瀉係好似,排泄物都係會較軟甚至液體咁,但濕尾症就會見到鼠鼠既尾成日都濕左,嚴重d既時候會發出惡臭添!



2)鼠鼠會唔係點食野,冇咩力咁



3)濕尾症可能會引起直腸脫出同埋脫水,兩樣都好危險,所以一有濕尾症就要盡快睇醫生,唔係就好易死



4)濕尾症會傳染,患病期間一定要將鼠鼠隔離,鼠鼠既用品同籠都要清理得好,但怕打擾到鼠鼠令鼠鼠有壓力,所以3日左右洗一次籠就可以.



如果鼠鼠死左,所有物品都要消毒晒,之後放多一星期左右先可以俾第隻鼠再用







C.肚瀉or便秘



肚瀉同便秘都會令鼠鼠排泄位置一帶濕既,係肚瀉定便秘應該唔難分,研究鼠鼠既便便,最好就係拎鼠鼠既便便上手咁下,最好係佢排出唻冇耐(過一陣,1分鐘度啦,即摸好易係好林)







肚瀉處理方法:



1)買d止瀉藥加入水度俾佢飲



2)唔好食零食之類,蔬果更加唔可以食啦.可以俾d白麵包or麥片佢食.(好少量),其他人既食物當然都係唔好俾鼠鼠食啦,鼠鼠正常時都唔可以,好返都要戒口一段時間



3)有第隻鼠一齊就要分籠,因為會傳染既,而且俾藥都要分籠先俾到



4)保持個籠衛生



5)接觸鼠鼠之前之後都洗乾淨手,自己有唔舒服既就唔好接觸or靠近鼠鼠咁多.



6)鼠鼠有唔舒服係會特別怕人,都唔好打擾佢咁多



7)鼠鼠既用品同籠都要用動物專用既消毒劑消毒



8)密切留意下佢既排泄物變化,留意鼠鼠尾部會唔會成日濕晒,如果濕既話整乾淨又會唔會再瀉返,長期濕就可能係好嚴重既濕尾症.而濕尾症就多數好難會好得返,好快會死.最好就盡快要睇醫生.



9)肚瀉不止(2,3日左右)or瀉得嚴重,就最好去睇醫生







便秘處理方法:



1)將水放近鼠鼠訓覺既地方,必須確定水樽出水係冇問題(平日都要,但便秘時水份特別緊要)



2)可以俾少少橙既"衣"俾鼠鼠食,再睇下情況有冇改善,都唔得既話,俾極少極少既橙肉俾鼠鼠(大約半隻指甲大小),唔好俾菜,易有農藥但記得真係便秘先好俾,唔係一陣攪到隻鼠肚瀉就慘



3)情況都冇改善(2日度啦),就必須睇獸醫處理







D.帶鼠鼠睇醫生可參下以下既鼠醫生資料:







最貴最好:



大圍珍禽異獸及寵物醫院 DR.TIGER/DR.LAM



Tel: 2687 1030 地址:大圍積信街75號地下



http://www.taiwaiexotic.com/







平d可以睇愛護動物協會,但做手術既話,都可以會叫你睇大圍,因為設備不足.



愛護動物協會診所資料:(需入會) Dr. Corla DeWet



http://www.spca.org.hk/chi/vet/vetclinic.html



愛護動物協會流動醫療車資料:



http://www.spca.org.hk/chi/vet/moclinic.html