哪一種燈比較適合水草缸?

對水草燈o既選擇而言，魚缸長度唔重要，最重要係水深。
因為光要射入水，經過呢個介質，會令光量減得好快，所以水深唔同，就要有相對穿透力o既燈管，ｄ光去到泥面先能夠滿足一ｄ要光較多o既陽性草（我地肉眼見好似好光，但草未必夠）。相反如果你係養陰性草的話，其實就冇乜所謂。
燈管穿透力以鹵素燈最強，甚次係ｔ５ｈｏ、ｐｌ、ｔ５、ｔ８，而散發o既熱力亦順呢個次序遞減。以陽草o既要求o黎講，ｔ５ｈｏ最多可以o係水深１８寸o既缸用，如果１５寸左右ｐｌ管都仲可以，一尺的話用ｔ５都得啦，再淺水ｄ用ｔ８囉。
缸o既長度影響o既係燈架，如果係一尺、兩尺、三尺咁o既尺寸，就好易買，如ｔ５ｈｏ就只係出咁o既長度，但如果你買ｔ８就好多尺寸揀。
價錢就好難講得實，仲要唔知你要幾多支管，但國貨必平，但火牛質素、安全、反光板設計都會差ｄ，早排消委會都有報告啦。你睇住 budget 同格下價啦。