煎豆腐-想問點樣整煎豆腐好食?

百福都分幾隻豆腐架, 你選比較硬果隻, 切件後用慢火去煎
真係要慢慢比心機去煎, 如果唔係好易爛
六面都煎到金黃色加蠔油便可

豆腐先蒸10分鐘再煎, 咁樣無咁易散.
邊隻好食個人喜好去街市買板豆腐, 感覺點都係健康d.

想煎豆付又脆又嫩,先將豆付切成你想要嘅大細,用穫放啲水(大約可以將豆付浸過面)加少少鹽煮滾啲水,水滾慢慢放已切好嘅豆付落啲滾水度,等啲水再滾熄火,撈起啲豆付,剩乾水,起穫燒熱放油(如果想煎得靚啲同快啲就多少少油去煎),煮過嘅豆付煎時唔會咁容易爛.
辣鹽豆付
材料:
豆付2件用以上嘅方法處理
蒜頭十粒切碎
指天椒2隻切碎(鍾意辣啲可以加多幾隻,如果怕辣就唔好要核)
椒鹽(AJl-SHIO 味椒鹽,超市有得賣,個樽唔係好大,個蓋同個牌子名係橙色,呢隻椒鹽好好味)
做法:
煎好啲豆付鏟上碟,煎完之後太多油就倒起佢,留番約一湯匙油,放入蒜茸(唔好咁碎,切到好似芝麻咁大粒就得喇)炒到差唔多轉金黃色就加埋啲切碎咗嘅辣椒炒香,快手將豆付回穫,將火較細少少,將椒鹽向住啲豆付洒落去,一路洒就一路將啲豆付反轉,大約所有豆付都差唔多痴咗啲椒鹽就夠架喇,太多會好咸架,跟住將豆付鏟上碟,最後將啲蒜茸鏟上啲豆付上面,想靚啲,放幾塊芫茜喺上面,你話嘞,係咪好似係酒樓食嗰啲咁呢~~~~~
唔計椒鹽成本都唔洗10元,勁好玩又有滿足感,你都試吓喇!!!!!!!!
圖片參考：http://tw.yimg.com/i/tw/ugc/rte/smiley_34.gif

若想豆腐煎得好,最好用街巿硬豆腐,先用鹽水浸一會,再切小塊,若想香口用生粉沾上,用油煎成兩面金黃色,可加椒鹽