香港人在台灣定居 生活 就業

我作為一個在台灣讀書的人..可以答你的問題
首先 先向你講一些資訊...
以現時的台灣的情況 企業最愛請的是台 成 交 清的畢業生
因為你是香港人 又沒有台灣身份證 請你又要幫你搞工作居留 而且分分鐘你的國語 英文又唔是勁 咁樣他們有乜理由要請你
可能你唔知 台灣的顧主一般唔會請在台灣讀書的港澳生 更莫講話請像你在香港讀完大學出來的學生
在台灣 一般大學生的人工NT28000-32000 碩士先NT34000-36000 在香港 一個大學生都唔只有這樣的人工
還有 在台灣工作 唔可以因為工作居留而拿到身份證 因為你的身份將會是勞工 就只可以拿到一年有效的居留證 要年年續 每次返香港都要申請入出境證 仲要老細同你搞先返得 唔可以話走
拿身份證 只有和台灣人結婚、投資移民、技術移民(一般都要去做教授才有可能) 因為中華民國(台灣)是一個血源主義的國家 就算你第日同一個無身份證的人結婚 生埋小朋友 都無身份證的
我而家21 讀緊ive既電機工程hd 諗住讀埋香港既大學拎個degree就會去台灣定居找工作.....以下係我頭痛緊既問題
Q1 香港的大學既電機工程 degree 會唔會等於台灣的大學畢業呢??如果有 請問係邊幾間香港的大學呢??
A1 台灣教育部 香港大學、香港中文大學、香港城市大學、香港科技大學、香港浸會大學、香港理工大學、香港教育學院、香港演藝學院、香港樹仁學院、嶺南大學
Q2 我去到台灣如果攻讀碩士 台灣既大學會唔會承認我係香港既degree? 另外 係台灣讀學士同碩士分別要幾錢??
A2 去台灣讀碩士有二種途徑 一是申請入學 名額太少 最非你好top 否則免談 另一種是和台灣一齊考各大學的入學試 只要你有能力 一定無問題 不過題目當然是根據台灣大學的課程去出 港澳生一般能考上碩士的真是少又少 大部分都是本校直接推薦入碩士班
Q3 如果我只係拎居留証 唔係入籍 洗唔洗當兵? 但如果我成30years old先到入籍 仲要唔要服兵役 要服幾耐兵役? 另外 入籍除左近親同拎工作證之外 可唔可以用專才呢個技能去入籍台灣??
A3 拿居留證當然不用當兵 但是不要以為想入藉就比你入藉 一般要入藉 以專才身分是要作碩究員或教授才有機會 你要入藉 最易算是和台灣人結婚 大約幾四五年就可以得身份證 當兵的話最少到四十一歲才可以免役 現時一般當兵要一年
Q4 請問而家台灣大學畢業(fresh grad)(關於電機工程工作)人工係大約幾錢??
A4 大學出來起身28000-32000 但一般都只有2字頭 碩士都只是32000-36000 研究員會高10-15%
Q5 請問入籍台灣比起非入籍台灣既人 入籍台灣既人有D咩較好既保障, 例如醫療方面 開户口個D
A5 有身份證可以申請台灣護照 即可以自由出入台灣 不限居住時間 駕照可以隨時續期 拿居留證 要年年續期 駕照亦一樣 不能考取職業駕照 開戶口還好 但是無法申請信用卡 看醫生的收費 是和是否有健保有關 無健保你會覺得很貴 無身份證 你很多時連上網註冊一些網站都好煩 無身份證開電話上台要交按金或由台灣人作擔保
Q6 我亦知道其實台灣失業高, 咁我係香港既大學畢業 應該利用d咩優勢希望台灣老板肯請我呢???
A6 基本上你無本地大學畢業 又無身份證 你就會輸得慘 除非你識多國語言或英文極為流利 而且做事刻苦耐勞 才有機會 很多台灣都不愛僑生 因為要搞居留證很煩 而且又要有收限制先可以出居留證 雖然在科技做無限制收入 但是大一堆台灣人同你爭 為甚麼要請一個既非台灣大學出來的港仔(台灣人叫法) 而且又不是比台灣勁的人
Q7 其實我擔心既係台灣既法治, 我聽人講近南部既地方, 治安會差d..其實係唔係真架呢??
A7 南部其實還好 不過 如果真的有人請你去南部做野 你會不去嗎 大陸治安都好差 你會唔會唔去大陸? 基本上都還好 唔會話亂曬龍ga 當然同台北比無得比 其實自己小心 財不露眼 唔好亂惹事生非 楂車忍讓下 唔好中詐騙電話 就ok ga la
良心建議 留在香港吧la....你沒有太多條件在台灣做野
第一年你知道要納40%稅嗎? 雖然話之後會退番...但是我怕你頭半年都過不了...
在台灣做野 分分鐘星期一返到星期日 人工又唔高 分分鐘連自己都養唔掂
我作為一個即將讀碩士的人對你忠告...身邊很多朋友...在台灣做野..都收入唔高...唉

其實你問好多問題都係要真係有台灣的大學收你讀碩士先需要面對既，但係只係針對你想讀碩士呢一點，都係好耐之後既事，因為你讀完HD要必須升到八大、樹仁或演藝，台灣既大學才會承認。否則你係唔可能申請到的。

其次，你所謂的定居有太多假設，因為一，你要有大學收你讀研究所；二，成功畢業；三，再搵到工；四，公司又願意幫你搞居留，咁你先有機會入藉中華民國。而且份工仲有最低工資限制，好似係一個月不少於36000新台幣，以當地大學畢業生黎講係一個中間價。如果你搵唔到工，係唔可以留係台灣的，而唔怕麻煩願意請僑生的公司其實唔係大多數囉。至於保障，先唔好講其他，如果冇身分證搵工就已經比較難。

法治方面，多數僑生都會鎖定台北的學校。而且就算係南部，都冇你想像得咁可怕。如果你真係咁驚青，基本上可以邊度都唔駛去，我勸你都係留係香港。

其他既問題，海聯既簡章其實有講，請自行查閱：http://www.overseas.ncnu.edu.tw/

你點解想到中華民國定居，你無端端話要去定居，
中華民國政府是不會批簽證給你的，請給我多點資料
相信我可解答你的問題，

台灣留學生