影會model問題! thanks

首先, 你可以去佢地個 forum 或 website 等,
睇睇佢地影開邊一類型o既相,
睇下佢地o的作品, 可以作為妳的參考...

其次係, 通常呢類活動, 都係一個 model 對好多攝影師...
佢地每人都有相機....
你要做的, 係要俾佢地覺得你有俾眼神佢地...
即係話, 你對眼要由左至右咁掃過佢地o既鏡頭....

第三係, 注意自己有冇走光...
佢地咁多對眼望實你, 咁多鏡頭對住你,
如果俾人拍到o的走光相, 咁唔係咁好...

第四係, 擺 pose 就真係要靠你自己, 多o的對住全身鏡去練習....
最好擺一o的動作係有連貫性,
擺完一個動作, 可以定一定, 對眼掃完一圈之後, 再擺另一個...
不過, 通常稍有經驗的攝影師, 都會教你點擺 pose,
所以呢方面, 你大可以放心....

第五, 化妝方面, 有o的影會活動, 係會提供埋化妝師的...
咁妳就唔駛擔心啦...
不過如果無, 咁妳就要注意, 究竟佢地要求你著咩衫,
化妝要就返套衫o既....
仲有, 如果係室內, 有影樓燈的話, 化妝要比平時更濃,
否則影出來會好似無化妝咁...

要講的講完了...
最後要讚一讚妳, 妳肯事前做下資料搜集, 夠專業, 好!!
圖片參考：http://tw.yimg.com/i/tw/ugc/rte/smiley_35.gif