買了月供基金才發覺收費好高~點算啊

一些儲蓄投資基金計劃, 收費通常有幾類:

1. 前期收費類, 2. 後置收費類, 3. 每(初)次買入收費

略談收費類型:

1. 前期收費類:

在保險公司或fund house或IFA都會有, 這類型計劃是先收費, 其後收費會越減越少, 再以Bonus的方式鼓勵長期供款, 及以Bonus抵銷一部份的費用。
有D計劃加上有供款bonus。

其他的收費可能有:

i)每月保單戶籍費, ii)丁丁保險費(fund House可能會無)


2. 後置收費類:

在保險公司或fund house或IFA都會有, 這類計劃現時較被客戶接受, 但貴平每人定義不同, 此處只將收費方式入字, 貴平不作評論。一般來講運作, 基本收費可能有以下:

i)每月保單戶籍費
ii)每年 X % ON 最初供款期
iii)每年 X.x % ON 延續供款期戶口價值結餘(第XX年後收X.x%)
iv)提取費用
v)丁丁保險費(fund house可能會無)

你/妳購買的可能是這後置收費類基金保單。

最多人混淆是提取費用, 因此類計劃是有供款合約期, 由15-30年不等及必須供款期, 如18個月, 2或3年等等。如果在供款合約期內提款會有較大收費出現, (計算較複雜, 你/妳興趣才寫寫)。如在必須供款期提款, 好可能客戶要取消計劃才可, 而且計劃內的價值會扣除較大收費後才是你/妳最後所得。不過, 如果你/妳在供款前期唔提款的話, 就可以避開這種提取費用。

有D計劃亦都有供款bonus。


3. 每(初)次買入收費:

多數在銀行或fund house開的投資戶口, 是以這種方式收費, 約每次在2.5%-6%。如長期供20年費用就可能是5% x 20 =100%年供款, 可能有年期, 如提早結束或提款一樣會有charges。

其他的收費可能有: i) 基金買賣差價 ii) 基金轉換手續費

不同機構有不同的收費手法，保險公司表面的收費好高, 但有d收費又可能沒有, 如基金買賣差價, 基金轉換手績費等。銀行多以每(初)次買入收費, 但有基金買賣差價, 基金轉換手續費等, 如果你/妳筆基金已經累積了1000萬, 有需要轉一轉基金組合, 轉一轉要收0.2%, 咁就要左你/妳2萬, 0.5%的話, 要左你/妳5萬, 而且好可能有基金買賣差價和每(初)次買入收費, 由A公司的Y基金轉去B公司的Z基金, 其實是賣出Y基金後買入Z基金, 又收一筆每(初)次買入收費。

不論銀行, 保險公司和fund house的前期收費類及後置收費類計劃較合中長期儲蓄投資, 而不論銀行, fund house和保險公司的每(初)次買入收費計劃有較高彈性。(大多數只要在保險公司有投資相連保單便可以每(初)次買入收費方式買入基金) 所以無話邊道好D, 而有絕對優勢的。

最重要是你/妳的需要, 目的和想法呢！

2008-04-25 01:08:44 補充：
以上只是一般推測下的意見, 只能作為參考, 請以你/妳的保單條文作實。方為上算。

戶口管理費用 -- 每月金額為保單首年保費的 0.5%，即每月 $10,000 X 12 X 0.5% = $600，我一直以為係每個月 $10,000 X 0.5% = $50。

海味舖將以兩計價的貨物混於以斤計價的貨物中，搏您一個不留神，以為也是以斤計價，到付款才知是以兩計價。

二者可有異曲同工之妙嗎？為何不說每月金額為供款額的 6%？$10,000 x 6% 是乘一次，$10,000 x 12 x 0.5% 是乘兩次，為何要複雜化？

海味舖會有人投訴，保險為何沒有人投訴？

2008-04-28 13:38:48 補充：
有些這類投資保單是可無限次免費轉換基金的，不知您買的是否也可以這樣，如果是，您可試試每天轉換一次，轉到她煩，肯不收費用而讓您終止保單，或肯減收費用，換取您減少轉換次數（即與您洽商修改合約條款）。

例如您有 A、B、C、D、E 五隻基金，那便星期一轉換 A 至 Z，星期二轉換 B 至 Y，星期三轉換 C 至 X，星期四轉換 D 至 W，星期五轉換 E 至 V，下星期則調轉，星期一轉換 Z 至 A，星期二轉換 Y 至 B，星期三轉換 X 至 C，星期四轉換 W 至 D，星期五轉換 V 至 E，再下星期又調轉。轉換不收費及可以無限次轉換才可這樣做，有限制轉換次數則不可這樣做。

2008-05-09 22:34:07 補充：
在基金公司轉換基金也未必能在一天完成，但並不影響我轉換、認購或贖回其他基金。

保險公司要等一隻的轉換完成才能轉換第二隻，那真是太出人意表了！難道這是有轉換費與沒有轉換費的分別？保險條款有寫明嗎？

收費普通！在基金投資中不算太高！
出街食飯都要比加一啦！唔知你話貴唔貴？世上無免費午餐。
响外国，用保險公司投資計劃去買月供基金好普通。
保險公司賺錢, 不是只因投資計劃去賺大錢。
系依賴投資回報、再保險佣金等賺錢。

2008-04-22 15:59:41 補充：
基金回報, 買中年回報30%既基金, 實質只有20%以下既回報,
如果基金只有10%, 咁就負回報架, =不正確！應約6-7%回報。

真係幾貴, 不過重有d你未知, 例如佢點計要扣既單位? 用幾時既價? 四捨五入定truncate呀? 我2003年傻傻地買個份AIA月供基金計劃, 食我30%基金回報, 即係就算買中年回報30%既基金, 實質只有20%以下既回報, 如果基金只有10%, 咁就負回報架, 我有朋友買完十年後, 得回本金加5%, 激死。
你如果停供, 保險公司一樣收足必供期既收費, 計完多數都無錢欏走, 你月供一萬, 開心死個sales, 差唔多收你第一年保費做佣呀。
唔好以為保誠貴, 其實間間都差唔多, 唔係保險公司點可以年年賺大錢呀。基金根本係資產管理公司既產品, 銀行同保險公司都只係中介人, 不過銀行係有只做中介服務, 收的是一次性的認購費(1% - 5.5%), 保險公司多不收一次性的認購費, 反而會收年繳的計劃費(1%保險成份加1%計劃管理費等)，保險公司因為係主力做保險, 所以一定要經保單進行投資。
宏利保險同平安保險賺咁多, 就係多得呢種投資計劃唔少。所以有錢一定要做保險公司個股東, 千萬唔好做佢個客。你唔知股神既旗艋都係保險公司, 所以先可以幾時都大賺特賺。

2008-04-28 16:34:07 補充：
我的經驗, CHOYKI_HK 提議- 每天轉換一次，轉到保險公司煩為止是不可行的。因為保險公司的基金轉換不能在一天完成, 而保險公司在之前的轉換未完成前, 是不會再做第二次轉換, 我買的AIA計劃是容許無限次轉換, 但是一次轉換最少要一星期或以上, 還有在每次轉換中, 在計算上有小數位的損失, 會得不償失呢。

It is better to buy fund through banks and not insurance companies.
It may be good to cancel your policy and get back as much money as you can. Otherwise after one year Principal will already earned about $10,000 from you.
Also it is the duty of the agent to explain all costs to you before you sign the policy. If you are unclear about the cost and you signed, you have the right to ask for a cancellation.

呢d 只不過係你睇得明的收費，另外你買的基金是由基金公司營運，並非由恒生或保誠營運，而基金公司又有收費的。相信你那張是有年期合約的基金單，中途斷單是要罰錢的 (surrender charge)。你月供1萬咁多，2月開始供，如果供了3期都比左3萬，就算佢地肯比你即時cut 單唔收罸錢，都未必比番d供款你。明蝕。呢類基金單的收費好高，間間都係咁高。你可以試下去佢地客戶服務部要求退單退款，成功機會不大。如涉及銷售過程誤導，你可去小額錢債告，到時睇個官點判。