養魚超養既問題??????????????????????

缸o既容量係２６Ｌ，但係呢個計法係長闊高相乘，而你入水唔會入到上缸頂架喎。
就算你係入到缸頂，以１Ｌ水養１ｃｍ長o既魚呢個參考值去睇，你ｄ魚一條點都２ｃｍ啦，即係話其實係超養左成幾倍！
超養唔係唔得，我個缸約１５０Ｌ，有成８０條魚以上，都係超養，但水愈多，愈能夠稀釋有毒廢物，相對承受能力愈大；另一個考慮係過濾器效能，如果夠強的話，又或者以多換水去補救的話，咁其實有幫助。
再加一點，如果水草多（唔係就咁一個膠藍放入缸，係插入砂／泥去種，令棵草生長），水草會以水中o既氮化物為氮元素來源，等於幫你缸水「過濾」。
呢三樣做法都可以幫到你減低阿摩尼亞等氮化物o既量，但係有一點係幫唔到o既，就係空間。
你ｄ魚都係群居魚，有返五六條佢地先安心，相對亦忍得擠迫環境，但亦只係比較而言。缺乏活動空間始終對佢地身心健康有害。諗諗佢啦。